ਨਗਰ ਕੌਂਸਲ ਚੋਣਾਂ ‘ਚ ‘ਆਪ’ ਉਮੀਦਵਾਰਾਂ ਨੂੰ ਵੱਡੇ ਬਹੁਮਤ ਨਾਲ ਜਿਤਾ ਪੰਜਾਬੀ ਤੋੜ ਸਕਦੇ ਹਨ ‘ਉਤਰ ਕਾਟੋ ਮੈਂ ਚੜ੍ਹਾਂ’ ਵਾਲੀ ਰੀਤ : ਹਰਸਮੀਪ ਸਿੰਘ ਲਾਡੀ ਘੱਗਾ

ਪਟਿਆਲਾ,7 ਫ਼ਰਵਰੀ  (ਰਾਜੇਸ਼)-ਪੰਜਾਬ ‘ਚ ਪਿਛਲੇ ਕਾਫੀ ਸਮੇਂ ਤੋਂ ਦੋ ਪ੍ਰਮੁੱਖ ਰਾਜਨੀਤਕ ਪਾਰਟੀਆਂ ਵੱਲੋਂ ‘ਉਤਰ ਕਾਟੋ ਮੈਂ ਚੜ੍ਹਾਂ’ ਵਾਲੀ ਰੀਤ ‘ਤੇ ਚਲ ਕੇ ਪੰਜਾਬ ਅਤੇ ਪੰਜਾਬੀਆਂ ਦਾ ਨੁੁਕਸਾਨ ਪਿਛਲੇ ਕਾਫ਼ੀ ਸਮੇਂ ਤੋਂ ਕੀਤਾ ਜਾ ਰਿਹਾ ਹੈ ਪਰ ਇਸ ਵਾਰ ਲੋਕਾਂ ਨੂੰ ਚਾਹੀਦਾ ਹੈ ਕਿ ਉਹ ‘ਆਪ’ ਉਮੀਦਵਾਰਾਂ ਨੂੰ ਵੱਡੇ ਬਹੁਮਤ ਨਾਲ ਜਿਤਾ ਕੇ ਇਸ ਰੀਤ ਨੂੰ ਖ਼ਤਮ ਕਰਨ, ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਆਮ ਆਦਮੀ ਪਾਰਟੀ ਦੇ ਹਲਕਾ ਸ਼ੁਤਰਾਣਾ ਤੋ ਨੌਜਵਾਨ ਆਗੂ  ਹਰਸਮੀਪ  ਸਿੰਘ ਲਾਡੀ ਘੱਗਾ ਨੇ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰਾਂ ਨੂੰ ਨਾਮਜ਼ਦਗੀ ਪੱਤਰ ਦਾਖ਼ਲ ਕਰਵਾਉਣ ਤੋਂ ਬਾਅਦ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕੀਤਾ।

ਹਰਸਮੀਪ ਸਿੰਘ ਲਾਡੀ ਘੱਗਾ ਨੇ  ਜਲਾਲਾਬਾਦ ਵਿਖੇ ਵਾਪਰੀ ਘਟਨਾ ਤੇ  ਬੋਲਦਿਆਂ ਕਿਹਾ ਕਿ ਹੁਣ ਤੱਕ ਕਾਂਗਰਸ ਅਤੇ  ਅਕਾਲੀ ਦਲ ਵਲੋ ਨਗਰ ਨਿਗਮ ਅਤੇ ਨਗਰ ਕੌਂਸਲਾਂ ਦੀਆਂ ਚੋਣਾ ਵਿਚ ਗੁੰਡੇ ਅਨਸਰਾਂ ਨੂੰ ਨਾਲ ਲੈ ਕੇ ਲੜੀਆਂ ਜਾਦੀਆ ਚੋਣਾ ਦਾ ਹੀ ਨਤੀਜਾ ਹੈ ਇਹ ਸਭ ਇਹਨਾਂ ਦੋਵੇ ਪਾਰਟੀਆਂ ਨੇ ਸੁਰੂ ਕੀਤਾ ਸੀ ਜਿਸ ਦਾ ਨਤੀਜਾ ਅੱਜ ਖੁਦ ਸੁਖਵੀਰ ਬਾਦਲ ਨੂੰ   ਜਲਾਲਾਬਾਦ ਵਿੱਚ ਵੇਖਣ ਨੂੰ ਮਿਲਿਆ ਹੈ । ਦੇਸ਼ ਦੀ ਰਾਜਧਾਨੀ ਦਿੱਲੀ ਵਿਖੇ ਆਮ ਆਦਮੀ ਪਾਰਟੀ ਦੇ ਸੰਯੋਜਕ ਅਰਵਿੰਦ ਕੇਜਰੀਵਾਲ ਵੱਲੋਂ ਦਿੱਲੀ ਵਾਸੀਆਂ ਨੂੰ ਦਿੱਤੀਆਂ ਜਾ ਰਹੀਆਂ ਸਹੂਲਤਾਂ ਤੇ ਗੱਲਬਾਤ ਕਰਦਿਆਂ ਹਰਸਮੀਪ ਸਿੰਘ ਲਾਡੀ ਘੱਗਾ ਨੇ ਕਿਹਾ ਕਿ ਹੁਣ ਪੰਜਾਬੀਆਂ ਨੇ ਇਹ ਫੈਸਲਾ ਆਪਣੇ ਦਮ ‘ਤੇ ਕਰਨਾ ਹੈ ਕਿ ਉਹ ਦਿੱਲੀ ਵਿੱਚ ਆਮ ਆਦਮੀ ਪਾਰਟੀ ਦੀ ਸਰਕਾਰ ਵੱਲੋਂ ਮਿਲ ਰਹੀਆਂ ਸਹੂਲਤਾਂ ਨੂੰ ਪੰਜਾਬ ਵਿੱਚ ਚਾਹੁੰਦੇ ਹਨ ਜਾਂ ਫਿਰ ਪੰਜਾਬ ਵਿੱਚ ਚੱਲ ਰਹੀ ਉੱਤਰ ਕਾਟੋ ਮੈਂ ਚੜ੍ਹਾਂ ਵਾਲੀ ਨੀਤੀ ਤਹਿਤ ਉਨ੍ਹਾਂ ਪਾਰਟੀਆਂ ਨੂੰ ਹੀ ਮੁੜ ਜ਼ੁਲਮ ਕਰਨ ਦੀ ਇਜਾਜ਼ਤ ਦਿੰਦੇ ਹਨ। ਹਰਸਮੀਪ ਸਿੰਘ ਲਾਡੀ ਘੱਗਾ ਨੇ ਕਿਹਾ ਕਿ ਅਰਵਿੰਦ ਕੇਜਰੀਵਾਲ ਵੱਲੋਂ ਕਿਸਾਨਾਂ ਲਈ ਵੱਡੀਆਂ ਵੱਡੀਆਂ ਸਹੂਲਤਾਂ ਦਿੱਲੀ ਵਿੱਚ ਬਾਰਡਰ ‘ਤੇ ਦਿੱਤੀਆਂ ਗਈਆਂ ਅਤੇ ਖੁਦ ਵੀ ਦੋ ਵਾਰ ਕਿਸਾਨਾਂ ਦੇ ਧਰਨੇ ਵਿਚ ਜਾ ਕੇ ਉਨ੍ਹਾਂ ਦਾ ਹਾਲ ਚਾਲ ਪੁੱਛਿਆ ਗਿਆ ਅਤੇ ਧਰਨੇ ਦੀ ਹਮਾਇਤ ਕੀਤੀ ਗਈ ਜਦੋਂ ਕਿ ਇਸ ਦੇ ਉਲਟ ਮੁੱਖ ਮੰਤਰੀ ਪੰਜਾਬ ਕੈਪਟਨ ਅਮਰਿੰਦਰ ਸਿੰਘ ਵੱਲੋਂ ਸਿਰਫ ਆਖਿਆ ਗਿਆ ਪਰ ਧਰਨੇ ਤੇ ਨਾ ਜਾ ਕੇ ਦਿੱਲੀ ਵਿੱਚ ਬੈਠੀ ਕੇਂਦਰ ਦੀ ਭਾਜਪਾ ਸਰਕਾਰ ਦੇ ਸੀਨੀਅਰ ਲੀਡਰਾਂ ਨੂੰ ਮਿਲ ਕੇ ਆਇਆ ਗਿਆ, ਇਸ ਤੋਂ ਇਹ ਸਪਸ਼ਟ ਹੁੰਦਾ ਹੈ ਕਿ ਕਾਂਗਰਸ ਤੇ ਅਕਾਲੀ ਦਲ ਦੋਵੇਂ ਹੀ ਕਿਸਾਨੀ ਧਰਨੇ ਨਾਲ ਨਹੀਂ ਹਨ ਬਲਕਿ ਸਿਰਫ਼ ਤੇ ਸਿਰਫ਼ ਚੋਣਾਂ ਨੂੰ ਦੇਖਦਿਆਂ ਹੋਇਆਂ ਹੀ ਇਹ ਸਾਰਾ ਡਰਾਮਾ ਉਨ੍ਹਾਂ ਵੱਲੋਂ ਰਚਿਆ ਜਾ ਰਿਹਾ ਹੈ। ਇਸ ਮੌਕੇ ਦਵਿੰਦਰ ਬਰਾਂਸ ਹਲਕਾ ਇੰਚਾਰਜ, ਨਰੈਣ ਸਿੰਘ ਸੀਨੀਅਰ ਆਗੂ ਆਪ, ਅਮਰੀਕ ਬਾਗੜ, ਪਰਗਟ ਸਿੰਘ ਅਤੇ ਉਮੀਦਵਾਰਾਂ ਵਿੱਚੋਂ   ਸੰਨੀ ਗਰਗ, ਧਿਆਨ ਸਿੰਘ, ਚੋਧਰੀ, ਡਿਪਟੀ ਸਰਮਾਂ, ਰਵਿੰਦਰ ਗਰਗ ਸੋਨੂੰ ਅਤੇ ਹੋਰ ਵੀ ਪਤਵੰਤੇ ਸੱਜਣਾਂ ਮੌਜੂਦ ਸਨ।