ਪ੍ਰੇਮੀ ਨੇ ਕੀਤੀ ਵਿਆਹ ਤੋਂ ਨਾਂਹ, ਪ੍ਰੇਮੀਕਾ ਨੇ ਗੁੱਸੇ ‘ਚ ਆ ਕੇ ਨਿਗਲੀ ਜਹਿਰੀਲੀ ਵਸਤੂ, ਮੌਤ

ਪਟਿਆਲਾ, 9 ਫਰਵਰੀ (ਰੁਪਿੰਦਰ ਮੋਨੂੰ) : ਅੱਜ ਇਕ ਲੜਕੀ ਨੇ ਉਸ ਦੇ ਪ੍ਰੇਮੀ ਵੱਲੋਂ ਵਿਆਹ ਤੋਂ ਇੰਨਕਾਰ ਕਰਨ ‘ਤੇ ਕੋਈ ਜਹਿਰੀਲੀ ਵਸਤੂ ਖਾ ਕੇ ਆਤਮ ਹੱਤਿਆ ਕਰ ਲਈ ਗਈ ਹੈ, ਜਿਸ ਤੋਂ ਬਾਅਦ ਸਮਾਣਾ ਪੁਲਸ ਵੱਲੋੀ ਲੜਕੀ ਦੇ ਦੋਸਤ ਖਿਲਾਫ ਮਾਮਲਾ ਦਰਜ਼ ਕਰ ਲਿਆ ਹੈ।
ਮਾਮਲੇ ਦੇ ਜਾਂਚ ਅਧਿਕਾਰੀ ਸਦਰ ਥਾਣਾ ਦੇ ਏ.ਐਸ.ਆਈ ਨਿਸ਼ਾਨ ਸਿੰਘ ਨੇ ਦੱਸਿਆ ਕਿ ਮ੍ਰਿਤਕਾ ਲੜਕੀ ਨਿਵਾਸੀ ਬੁਢਲਾਡਾ (ਮਾਨਸਾ) ਦੀ ਛੋਟੀ ਭੈਣ ਵਲੋਂ ਦਰਜ਼ ਕਰਵਾਏ ਬਿਆਨਾਂ ਅਨੁਸਾਰ ਉਹ ਡੇਰਾ ਬੱਸੀ ਸਥਿਤ ਇਕ ਕਾਲਜ ਵਿਚ ਟੂਰਿਜ਼ਮ ਦਾ ਕੋਰਸ ਕਰ ਰਹੀ ਹੈ। 6 ਫਰਵਰੀ ਨੂੰ ਉਸ ਦੀ ਭੈਣ ਆਪਣੇ ਦੋਸਤ ਨਾਲ ਉਸ ਨੂੰ ਮਿਲਣ ਆਈ ਸੀ ਇਸ ਤੋਂ ਬਾਅਦ ਉਹ ਤਿੰਨੇ ਆਪਣੇ ਘਰ ਬੁਢਲਾਡਾ ਲਈ ਚੱਲ ਪਏ। ਦੁਪਹਿਰ ਬਾਅਦ ਬੱਸ ਰਾਹੀ ਪਟਿਆਲਾ ਤੋਂ ਬੁਢਲਾਡਾ ਵੱਲ ਜਾਂਦੇ ਸਮੇਂ ਸਮਾਣਾ ਟੋਲ ਬੈਰੀਅਲ ਨੇੜੇ ਉਸ ਦੀ ਭੈਣ ਅਤੇ ਉਸਦੇ ਦੋਸਤ ਵਿਚਕਾਰ ਵਿਆਹ ਕਰਵਾਉਣ ਨੂੰ ਲੈ ਕੇ ਆਪਸੀ ਤਕਰਾਰ ਕਾਫੀ ਵੱਧ ਗਿਆ ਅਤੇ ਉਸ ਦੀ ਭੈਣ ਨੇ ਤੰਗ ਆ ਕੇ ਕੋਈ ਜ਼ਹਿਰੀਲੀ ਵਸਤੂ ਨਿਗਲ ਲਈ ਅਤੇ ਉਲਟੀਆਂ ਕਰਨ ਲੱਗੀ।
ਇਸ ਤੋਂ ਬਾਅਦ ਬੱਸ ਕੰਡੈਕਟਰ ਵੱਲੋਂ ਉਨ੍ਹਾਂ ਨੂੰ ਬੱਸ ਤੋਂ ਉਤਾਰ ਕੇ ਇਲਾਜ ਲਈ ਟੋਲ ਬੈਰੀਅਲ ਦੀ ਐਂਬੂਲੈਂਸ ਵਿਚ ਸਿਵਲ ਹਸਪਤਾਲ ਸਮਾਣਾ ਭੇਜ ਦਿੱਤਾ। ਜਿਥੇ ਉਸ ਦੀ ਹਾਲਤ ਗੰਭੀਰ ਹੋਣ ਕਾਰਨ ਡਾਕਟਰਾਂ ਨੇ ਉਸ ਨੂੰ ਪਟਿਆਲਾ ਰੈਫਰ ਕਰ ਦਿੱਤਾ ਪਰ ਇਲਾਜ ਦੌਰਾਨ ਉਸ ਦੀ ਮੌਤ ਹੋ ਗਈ।
ਪੁਲਿਸ ਨੇ ਮ੍ਰਿਤਕਾ ਦੀ ਭੈਣ ਵੱਲੋਂ ਦਰਜ਼ ਕਰਵਾਏ ਬਿਆਨਾ ਦੇ ਅਧਾਰ ਤੇ ਮ੍ਰਿਤਕਾ ਦੇ ਦੋਸਤ ਦੇ ਖਿਲਾਫ ਖੁਦਕੁਸ਼ੀ ਲਈ ਮਜ਼ਬੂਰ ਕਰਨ ਤਹਿਤ ਮਾਮਲਾ ਦਰਜ਼ ਕਰਕੇ ਮ੍ਰਿਤਕਾ ਦੀ ਲਾਸ਼ ਪੋਸਟਮਾਰਟਮ ਕਰਵਾਉਣ ਤੋਂ ਬਾਅਦ ਪਰਿਵਾਰ ਮੈਂਬਰਾਂ ਹਵਾਲੇ ਕਰ ਦਿੱਤੀ ਹੈ।