ਥਾਣਾ ਸੰਭੂ ਦੀ ਪੁਲਿਸ ਵੱਲੋਂ 30 ਕਿੱਲੋ ਗਾਂਜੇ ਸਮੇਤ ਦੋ ਕਾਬੂ

ਪਟਿਆਲਾ/ਸ਼ੰਭੂ, 10 ਫਰਵਰੀ (ਰੁਪਿੰਦਰ ਮੋਨੂੰ) : ਐੱਸ.ਐੱਸ.ਪੀ ਪਟਿਆਲਾ ਬਿਕਰਮਜੀਤ ਦੁੱਗਲ ਵੱਲੋਂ ਮਾੜੇ ਅਨਸਰਾਂ ਵਿਰੁੱਧ ਚਲਾਈ ਗਈ ਮੁਹਿੰਮ ਦੇ ਤਹਿਤ ਥਾਣਾ ਸ਼ੰਭੂ ਦੇ ਇੰਚਾਰਜ ਐੱਸ.ਆਈ ਗੁਰਮੀਤ ਸਿੰਘ ਨੇ ਵਿਸ਼ੇਸ਼ ਨਾਕਾਬੰਦੀ ਕਰ ਕੇ 30 ਕਿੱਲੋਂ ਗਾਂਜੇ ਸਮੇਤ ਇੱਕ ਵਿਅਕਤੀ ਨੂੰ ਕਾਬੂ ਕੀਤਾ ਹੈ। ਐਸ.ਐਚ.ਓ ਨੇ ਦੱਸਿਆ ਕਿ ਮੁਲਜ਼ਮਾਂ ਦੀ ਪਛਾਣ ਸੂਰਜ ਕੁਮਾਰ ਪੁੱਤਰ ਲਛਮੀ ਪ੍ਰਸਾਦ ਵਾਸੀ ਪਿੰਡ ਗੋਬਰੀ ਜ਼ਿਲ੍ਹਾ ਮੋਤੀਹਾਰੀ ਬਿਹਾਰ ਅਤੇ ਅਗਨੂੰ ਪਾਸੀ ਪੁੱਤਰ ਨਨਕੂ ਪਾਸੀ ਵਾਸੀ ਪਿੰਡ ਸੋਹਾ ਜਿਲਾ ਬਕਸਰ ਬਿਹਾਰ ਹਾਲ ਕਿਰਾਏਦਾਰ ਢੰਡਾਰੀ ਕਲਾ ਲੁਧਿਆਣਾ ਵਜੋਂ ਹੋਈ ਹੈ। ਉਨ੍ਹਾਂ ਕਿਹਾ ਕਿ ਗਾਂਜੇ ਦੀ ਬਜ਼ਾਰੀ ਕੀਮਤ 9 ਲੱਖ ਰੁਪਏ ਹੈ। ਪੁਲਿਸ ਨੇ ਐਨ.ਡੀ.ਪੀ.ਐਸ ਐਕਟ ਤਹਿਤ ਕਾਰਵਾਈ ਕਰਕੇ ਅਗਲੀ ਕਾਰਵਾਈ ਅਰੰਭ ਦਿੱਤੀ ਹੈ।