ਨਾਜਾਇਜ਼ ਸਬੰਧਾਂ ਕਾਰਨ ਰਾਹ ‘ਚ ਰੋੜਾ ਸਮਝਦਿਆਂ ਜੀਜੇ ਨਾਲ ਮਿਲ ਕੇ ਪਤੀ ਨੂੰ ਲਗਾਈ ਅੱਗ, 3 ਲੋਕਾਂ ਖਿਲਾਫ਼ ਮਾਮਲਾ ਦਰਜ

ਪਟਿਆਲਾ, 11 ਫਰਵਰੀ (ਰੁਪਿੰਦਰ ਸਿੰਘ) : ਪਟਿਆਲਾ ਦੀ ਸਬ ਡਿਵੀਜ਼ਨ ਪਾਤੜਾਂ ਅਧੀਨ ਆਉਂਦੇ ਪਿੰਡ ਡਰੌਲੀ ਵਿਖੇ ਨਾਜਾਇਜ਼ ਸਬੰਧਾਂ ਕਾਰਣ ਪਤਨੀ ਅਤੇ ਸਾਂਢੂ ਵੱਲੋਂ ਰਾਹ ‘ਚ ਰੋੜਾ ਸਮਝੇ ਜਾ ਰਹੇ ਪਤੀ ਨੂੰ ਡੀਜ਼ਲ ਪਾ ਕੇ ਸਾੜਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੀੜਤ ਅੰਮਿਝਤ ਸਿੰਘ ਵੱਲੋਂ ਥਾਣਾ ਘੱਗਾ ਪੁਲਿਸ ਕੋਲ ਸਿਕਾਇਤ ਦਰਜ ਕਰਵਾਈ ਹੈ ਕਿ ਉਸ ਦੀ ਪਤਨੀ ਜਤਿੰਦਰ ਕੌਰ (ਕਾਲਪਨਿਕ ਨਾਂ) ਅਤੇ ਸਾਂਢੂ ਜੋਗੀ ਰਾਮ ਦੇ ਨਾਜਾਇਜ਼ ਸਬੰਧ ਹਨ, ਜਿਨ੍ਹਾਂ ਨੂੰ ਉਹ ਅਕਸਰ ਰੋਕਦਾ ਰਹਿੰਦਾ ਸੀ। ਬੀਤੇ ਦਿਨ ਉਹ ਆਪਣੇ ਲੜਕੇ ਦੇ ਘਰ ਸੀ। ਉਦੋਂ ਹੀ ਉਸ ਦਾ ਸਾਂਢੂ ਜੋਗੀ ਰਾਮ ਆਪਣੀ ਪਤਨੀ ਨੂੰ ਉਥੇ ਲੈ ਕੇ ਆਇਆ। ਜਤਿੰਦਰ ਕੌਰ (ਕਾਲਪਨਿਕ ਨਾਂ) ਨੇ ਚਾਹ ਬਣਾਈ ਅਤੇ ਇੱਕ ਕੱਪ ਵਿੱਚ ਕੁਝ ਘੋਲ ਕੇ ਆਪਣੇ ਲੜਕੇ ਨੂੰ ਪਿਲਾ ਦਿੱਤਾ, ਜਿਸ ਕਾਰਨ ਉਸ ਨੂੰ ਨੀਂਦ ਆ ਗਈ ।
ਇਸ ਦੌਰਾਨ ਸ਼ਾਮੀ 6 ਵਜੇ ਦੇ ਕਰੀਬ ਜੋਗੀ ਰਾਮ ਅਤੇ ਉਸ ਦੀ ਪਤਨੀ ਨੇ ਉਸ ਨੂੰ ਫੜ ਲਿਆ। ਜਤਿੰਦਰ ਕੌਰ (ਕਾਲਪਨਿਕ ਨਾਂ) ਨੇ ਉਸ ਤੇ ਡੀਜ਼ਲ ਪਾ ਕੇ ਅੱਗ ਲਗਾ ਦਿੱਤੀ ਅਤੇ ਫ਼ਰਾਰ ਹੋ ਗਏ। ਉਸ ਵੱਲੋਂ ਰੌਲਾ ਪਾਉਣ ‘ਤੇ ਗੁਆਂਢੀਆਂ ਨੇ ਆ ਕੇ ਅੱਗ ਬੁਝਾਈ। ਥਾਣਾ ਘੱਗਾ ਮੁਖੀ ਸੁਖਦੇਵ ਸਿੰਘ ਨੇ ਦੱਸਿਆ ਕਿ ਪੀੜਤ ਦੇ ਬਿਆਨਾਂ ਦੇ ਆਧਾਰ ‘ਤੇ ਕਥਿੱਤ ਦੋਸ਼ੀਆਂ ਜਤਿੰਦਰ ਕੌਰ (ਕਾਲਪਨਿਕ ਨਾਂ) ਪਤਨੀ ਅੰਮ੍ਰਿਤ ਸਿੰਘ ਵਾਸੀ ਪਿੰਡ ਡਰੌਲੀ, ਕੁਲਦੀਪ ਕੌਰ ਅਤੇ ਜੋਗੀ ਰਾਮ ਵਾਸੀ ਪਿੰਡ ਨਾਈਵਾਲਾ ਥਾਣਾ ਪਾਤੜਾਂ ਖਿਲਾਫ ਭਾਰਤੀ ਦੰਡਾਵਲੀ ਦੀ ਧਾਰਾ 307, 120-ਬੀ, 34 ਆਈ.ਪੀ.ਸੀ. ਤਹਿਤ ਕੇਸ ਦਰਜ ਕਰਕੇ ਦੋਸ਼ੀਆਂ ਦੀ ਭਾਲ ਵਿੱਚ ਕਾਰਵਾਈ ਸਰਗਰਮੀ ਨਾਲ ਸ਼ੁਰੂ ਕਰ ਦਿੱਤੀ ਹੈ।