ਮਨੋਵਿਗਿਆਨ ਵਿਭਾਗ ਵੱਲੋਂ ਤਿੰਨ ਦਿਨਾ ਅੰਤਰਰਾਸ਼ਟਰੀ ਕਾਨਫਰੰਸ ਦਾ ਆਯੋਜਨ 18 ਤੋਂ

ਪਟਿਆਲਾ, 17 ਫਰਵਰੀ ( ਬਲਵਿੰਦਰ ਪਾਲ)
ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ ਦੇ ਮਨੋਵਿਗਿਆਨ ਵਿਭਾਗ ਵੱਲੋਂ ਆਨਲਾਈਨ ਵਿਧੀ ਰਾਹੀਂ ਕਰਵਾਈ ਜਾ ਰਹੀ 56ਵੀਂ ਰਾਸ਼ਟਰੀ ਅਤੇ 25ਵੀਂ ਅੰਤਰਰਾਸ਼ਟਰੀ ਕਾਨਫਰੰਸ 18 ਫਰਵਰੀ ਤੋਂ ਸ਼ੁਰੂ ਹੋ ਰਹੀ ਹੈ। ਇੰਡੀਅਨ ਅਕੈਡਮੀ ਅਫ਼ ਅਪਲਾਈਡ ਸਾਈਕੌਲੋਜੀ ਦੀ ਇਹ ਕਾਨਫਰੰਸ 20 ਫਰਵਰੀ ਤਕ ਚੱਲੇਗੀ। ਉਦਘਾਟਨੀ ਸੈਸ਼ਨ ਵਿਚ ਸ੍ਰੀਮਤੀ ਪ੍ਰਨੀਤ ਕੌਰ, ਮੈਂਬਰ ਪਾਰਲੀਮੈਂਟ, ਪਟਿਆਲਾ ਮੁੱਖ ਮਹਿਮਾਨ ਵਜੋਂ ਸੰਬੋਧਨ ਕਰਨਗੇ। ਮਾਨਵੀ ਸਮਰਥਾ ਦੇ ਅਧਾਰਤ ਵਿਸਿ਼ਆਂ ਉਪਰ ਹੋ ਰਹੀ ਇਸ ਕਾਨਫਰੰਸ ਦੇ ਉਪ ਵਿਸਿ਼ਆਂ ਵਿਚ ਮਨੁੱਖੀ ਸੰਭਾਵਨਾਵਾਂ ਦਾ ਵਿਕਾਸ, ਮਨੋਵਿਗਿਆਨਕ ਤੰਦਰੁਸਤੀ, ਔਰਤਾਂ ਅਤੇ ਬੱਚਿਆਂ ਦੀ ਮਾਨਸਿਕ ਸਿਹਤ, ਵਿਹਾਰਕ ਮਨੋਵਿਗਿਆਨ ਦੇ ਖੇਤਰ ਵਿਚ ਮੌਜੂਦਾ ਰੁਝਾਨ ਅਤੇ ਭਵਿੱਖੀ ਦਿਸ਼ਾਵਾਂ ਆਦਿ ਸ਼ਾਮਿਲ ਹੋਣਗੇ। ਯੂ.ਐੱਸ. ਏ., ਯੂਕੇ, ਕੈਨੇਡਾ ਅਤੇ ਨਿਊਜ਼ੀਲੈਂਡ ਤੋਂ ਅੰਤਰਰਾਸ਼ਟਰੀ ਪੱਧਰ ਦੇ ਬੁਲਾਰੇ ਇਸ ਆਨਲਾਈਨ ਕਾਨਫਰੰਸ ਵਿਚ ਸਿ਼ਰਕਤ ਕਰਨਗੇ। ਇਸ ਕਾਨਫਰੰਸ ਲਈ 500 ਤੋਂ ਵਧੇਰੇ ਡੈਲੀਗੇਟਸ ਰਜਿਸਟਰਡ ਹੋ ਚੁੱਕੇ ਹਨ। ਇਹ ਡੈਲੀਗੇਟਸ ਆਨਲਾਈਨ ਵਿਧੀ ਰਾਹੀਂ ਆਪਣੇ ਖੋਜਪੱਤਰ ਪੜ੍ਹਨਗੇ ਅਤੇ ਕਾਨਫਰੰਸ ਦੇ ਵਖ-ਵਖ ਸੈਸ਼ਨਾਂ, ਸਿੰਪੋਜ਼ੀਅਮ, ਪਲੈਨਰੀ ਸੈਸ਼ਨ, ਕੌਲੇਜੀਅਮ ਆਦਿ ਈਵੈਂਟਸ ਹੋਣਗੇ, ਵਿਚ ਸਿ਼ਰਕਤ ਕਰਨਗੇ।