ਪਟਿਆਲਾ ਪੁਲਿਸ ਵੱਲੋਂ ਵੱਖ-ਵੱਖ ਫਿਰਕਿਆਂ ਵਿੱਚ ਦੁਸ਼ਮਣੀ, ਨਫਰਤ ਫੈਲਾਉਣ ਦੀ ਕੋਸ਼ਿਸ ਕਰਨ ਵਾਲਾ ਸਚਿਨ ਗੋਇਲ ਗ੍ਰਿਫਤਾਰ

ਪਟਿਆਲਾ 17 ਫਰਵਰੀ ਗਗਨ ਦੀਪ ਸਿੰਘ ਦੀਪ

ਵਿਕਰਮ ਜੀਤ ਦੁੱਗਲ ਆਈ.ਪੀ.ਐਸ/ ਐਸ.ਐਸ.ਪੀ. ਪਟਿਆਲਾ ਨੇ ਇਹ ਪ੍ਰੈਸ ਨੋਟ ਜਾਰੀ ਕਰਦਿਆਂ ਦੱਸਿਆ ਕਿ ਸ਼ਹਿਰ ਅੰਦਰ ਸ਼ੱਕੀ ਤੇ ਭੈੜੇ ਪੁਰਸ਼ਾਂ ਦੇ ਸਬੰਧ ਵਿੱਚ ਕਾਰਵਾਈ ਕਰਦਿਆਂ ਇੰਸਪੈਕਟਰ ਇੰਦਰਪਾਲ ਚੌਹਾਨ ਮੁੱਖ ਅਫਸਰ ਥਾਣਾ ਕੋਤਵਾਲੀ ਪਟਿਆਲਾ ਵੱਲੋਂ ਮੁਕੱਦਮਾ ਨੰਬਰ 54 ਮਿਤੀ 16-02-2021 ਅ/ਧ 153-ਏ, 295-ਏ, 504, 505, 506, 419 ਆਈ.ਪੀ.ਸੀ. 66 (ਡੀ) ਆਈ.ਟੀ.ਐਕਟ 2000 ਥਾਣਾ ਕੋਤਵਾਲੀ ਪਟਿਆਲਾ ਬਰਖਿਲਾਫ ਸਚਿਨ ਗੋਇਲ ਪੁੱਤਰ ਲਲਿਤ ਗੋਇਲ ਪ੍ਰਧਾਨ ਰਾਸ਼ਟਰੀ ਅਖਿਲ ਭਾਰਤੀਯ ਹਿੰਦੂ ਸੇਵਾ ਦਲ ਵਾਸੀ ਮਕਾਨ ਨੰ: 64 ਮਥੁਰਾ ਕਲੋਨੀ ਪਟਿਆਲਾ ਦਰਜ ਰਜਿਸਟਰ ਕੀਤਾ ਗਿਆ ਹੈ।

ਦੁੱਗਲ ਨੇ ਵਿਸਥਾਰ ਨਾਲ ਦੱਸਿਆ ਕਿ ਇੰਦਰਪਾਲ ਚੌਹਾਨ ਮੁੱਖ ਅਫਸਰ ਥਾਣਾ ਕੋਤਵਾਲੀ ਪਟਿਆਲਾ ਸਮੇਤ ਪੁਲਿਸ ਪਾਰਟੀ ਬਰਾਏ ਗਸਤ ਬਾ ਤਲਾਸ਼ ਸ਼ੱਕੀ ਤੇ ਭੈੜੇ ਪੁਰਸ਼ਾਂ ਦੇ ਸਬੰਧ ਵਿੱਚ ਛੋਟੀ ਨਦੀ ਪੁੱਲ ਸਨੌਰ ਰੋਡ ਪਟਿਆਲਾ ਪਾਸ ਮੋਜੂਦ ਸੀ ਤਾਂ ਮੁਖਬਰ ਖਾਸ ਨੇ ਇਤਲਾਹ ਦਿੱਤੀ ਕਿ ਸਚਿਨ ਗੋਇਲ ਪੁੱਤਰ ਲਲਿਤ ਗੋਇਲ ਰਾਸ਼ਟਰੀ ਅਖਿਲ ਭਾਰਤੀਯ ਹਿੰਦੂ ਸੇਵਾ ਦਲ ਪ੍ਰਧਾਨ ਵਾਸੀ ਮਕਾਨ ਨੰ: 64 ਮਥੁਰਾ ਕਲੋਨੀ ਪਟਿਆਲਾ ਦਾ ਰਹਿਣ ਵਾਲਾ ਹੈ। ਜੋ ਸਚਿਨ ਗੋਇਲ ਬੇਹੱਦ ਸ਼ਰਾਰਤੀ ਕਿਸਮ ਦਾ ਵਿਅਕਤੀ ਹੈ। ਸਚਿਨ ਗੋਇਲ ਆਪਣੇ ਪਿਤਾ ਦੇ ਹਿੰਦੂ ਸੇਵਾ ਦਲ ਦਾ ਪ੍ਰਧਾਨ ਹੋਣ ਕਰਕੇ ਸਮਾਜ ਵਿੱਚ ਸਾਰੇ ਧਰਮਾਂ ਨੂੰ ਲੈ ਕੇ ਚਲ ਰਹੀਆਂ ਆਪਸੀ ਕੜਵਾਹਟਾਂ ਦੀ ਪੂਰੀ ਜਾਣਕਾਰੀ ਰੱਖਦਾ ਹੈ। ਜਿਸ ਕਾਰਨ ਇਸ ਨੇ ਆਪਣੇ ਫੋਨ ਪਰ ਸੋਸ਼ਲ ਮੀਡੀਆ ਰਾਹੀਂ ਕਿਸੇ ਵਿਦੇਸ਼ੀ ਵਿਅਕਤੀ ਨਾਲ ਰਾਬਤਾ ਕਰਕੇ ਉਸ ਪਾਸੋਂ ਵਿਦੇਸ਼ੀ ਮੋਬਾਇਲ ਨੰਬਰ ਦਾ ਓ.ਟੀ.ਪੀ. ਮੰਗਵਾ ਕੇ ਆਪਣੇ ਮੋਬਾਇਲ ਫੌਨ ਪਰ ਉਸ ਵਿਦੇਸ਼ੀ ਮੋਬਾਇਲ ਨੰਬਰ ਦਾ ਵੱਟਸਐਪ ਚਲਾਇਆ ਹੋਇਆ ਹੈ। ਜਿਸ ਰਾਹੀ ਇਹ ਵੱਖ-ਵੱਖ ਹਿੰਦੂ ਧਰਮਾਂ ਦੇ ਨੇਤਾਵਾਂ ਦੀ, ਆਪਣੀ ਖੁੱਦ ਦੀ ਅਤੇ ਸੀਨੀਅਰ ਪੁਲਿਸ ਅਧਿਕਾਰੀਆਂ ਦੀਆਂ ਫੋਟੋਆਂ ਲਗਾ ਕੇ ਉਹਨਾਂ ਨੂੰ ਐਡਿਟ ਕਰਕੇ, ਉਹਨਾਂ ਫੋਟੋਆਂ ਪਰ ਕਰਾਸ ਦਾ ਨਿਸ਼ਾਨ ਬਣਾ ਕੇ ਪਾਬੰਦੀਸ਼ੁਦਾ ਗਰਮ ਦਲੀ ਜੱਥੇਬੰਦੀਆਂ ਦਾ ਨਾਮ ਵਰਤਕੇ ਸੋਸ਼ਲ ਮੀਡੀਆ ਰਾਹੀਂ ਭੇਜਦਾ ਹੈ ਅਤੇ ਆਮ ਲੋਕਾਂ ਨੂੰ ਉਕਸਾਉਂਦਾ ਹੈ। ਇਸ ਵਿਅਕਤੀ ਦਾ ਅਸਲ ਮਕਸਦ ਇਸ ਤਰ੍ਹਾਂ ਦਾ ਗਲਤ ਪ੍ਰਚਾਰ ਕਰਕੇ ਆਪਣੇ ਲਈ ਸਰਕਾਰੀ ਸੁਰੱਖਿਆ ਲੈਣਾ ਹੈ। ਜਿਸ ਲਈ ਇਸ ਨੇ ਆਪਣੀ ਸੁਰੱਖਿਆ ਦੀ ਮੰਗ ਵੀ ਕੀਤੀ ਹੋਈ ਹੈ। ਸਚਿਨ ਗੋਇਲ ਵੱਲੋਂ ਆਪਣੀ ਪਹਿਚਾਣ ਛੁਪਾ ਕੇ ਅਤੇ ਇਸ ਤਰ੍ਹਾਂ ਦਾ ਗੈਰਕਾਨੂੰਨੀ ਕੰਮ ਕਰਕੇ ਵੱਖ-ਵੱਖ ਫਿਰਕਿਆਂ ਵਿੱਚ ਦੁਸ਼ਮਣੀ, ਨਫਰਤ ਵਧਾਈ ਜਾ ਰਹੀ ਹੈ, ਜਿਸ ਨਾਲ ਲੋਕ ਸ਼ਾਤੀ ਭੰਗ ਹੋ ਰਹੀ ਹੈ। ਜਿਸ ਸਬੰਧੀ ਸਚਿਨ ਗੋਇਲ ਵਿਰੁੱਧ ਉੱਕਤ ਮੁਕੱਦਮਾ ਦਰਜ ਕੀਤਾ ਗਿਆ ਹੈ।

ਪੁਲਿਸ ਮੁੱਖੀ ਪਟਿਆਲਾ ਨੇ ਜ਼ਿਲਾ ਦੇ ਨਾਗਰਿਕਾਂ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਇਸ ਤਰ੍ਹਾਂ ਦੀ ਸ਼ਰਾਰਤ ਅਤੇ ਗਲਤ ਪ੍ਰਾਪੋਕੰਡਾ ਕਰਨ ਵਾਲਿਆਂ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ ਜਾਵੇ ਤਾਂ ਜੋ ਜ਼ਿਲਾ ਅੰਦਰ ਅਮਨ ਸ਼ਾਤੀ ਨੂੰ ਬਰਕਰਾਰ ਰੱਖਿਆ ਜਾ ਸਕੇ। ਦੋਸ਼ੀ ਦਾ ਪੁਲਿਸ ਰਿਮਾਂਡ ਹਾਸਲ ਕਰਕੇ ਡੂੰਘਾਈ ਨਾਲ ਪੁੱਛਗਿੱਛ ਕੀਤੀ ਜਾਵੇਗੀ।