ਘਰੇਲੂ ਝਗੜਿਆਂ ਤੋਂ ਤੰਗ ਆ ਵਿਆਹੁਤਾ ਨੇ ਲਿਆ ਫਾਹਾ, ਮੌਤ

ਪਟਿਆਲਾ, 19 ਫਰਵਰੀ (ਰੁਪਿੰਦਰ ਸਿੰਘ) : ਥਾਣਾ ਸਿਵਲ ਲਾਈਨ ਪਟਿਆਲਾ ਦੀ ਪੁਲਸ ਨੇ ਮਜ਼ਦੂਰੀ ਕਰਨ ਵਾਲੇ ਲਾਲ ਚੰਦ ਪੁੱਤਰ ਦਿਆ ਸ਼ੰਕਰ ਵਾਸੀ ਮੁਰਾਦਾਬਾਦ ਯੂਪੀ ਦੀ ਸ਼ਿਕਾਇਤ ‘ਤੇ ਉਸਦੀ 24 ਸਾਲਾ ਲੜਕੀ ਨਾਲ ਝਗੜਾ ਕਰਨ ਵਾਲੇ ਉਸਦਾ ਪਤੀ, ਜਿਸ ਤੋਂ ਤੰਗ ਆ ਕੇ ਉਸਦੀ ਲੜਕੀ ਨੇ ਪੱਖੇ ਨਾਲ ਫਾਹਾ ਲੈ ਕੇ ਆਤਮ ਹੱਤਿਆ ਕਰ ਲਈ ਦੇ ਦੋਸ਼ੀ ਵਿਜੇ ਕੁਮਾਰ ਵਿਰੁੱਧ ਮਾਮਲਾ ਦਰਜ਼ ਕੀਤਾ ਹੈ।
ਲੜਕੀ ਦੇ ਪਿਤਾ ਲਾਲ ਚੰਦ ਅਨੁਸਾਰ ਉਸਦੀ ਉਹ ਮਜ਼ਦੂਰੀ ਕਰਦਾ ਹੈ ਤੇ ਉਸਦੇ 4 ਬੱਚੇ ਹਨ, ਜਿਨ੍ਹਾਂ ਵਿੱਚੋਂ ਉਸਦੀ ਸਭ ਤੋਂ ਵੱਡੀ 24 ਸਾਲਾ ਲੜਕੀ ਦਾ ਵਿਆਹ 2017 ਵਿੱਚ ਪਟਿਆਲਾ ਵਾਸੀ ਵਿਜੇ ਕੁਮਾਰ ਪੁੱਤਰ ਪੂਰਨ ਕੁਮਾਰ ਵਾਸੀ ਪਿੰਡ ਖਰਕਮਾ ਖਾਣਜਾ ਜਿਲ੍ਹਾ ਯੂਪੀ ਹਾਲ ਵਾਸੀ ਗਿਆਨ ਕਾਲੋਨੀ ਸੂਲਰ ਪਟਿਆਲਾ ਨਾਲ ਹੋਇਆ ਸੀ, ਜਿਸ ਤੋਂ ਬਾਅਦ ਅਕਸਰ ਹੀ ਲੜਕੀ ਦਾ ਪਤੀ ਉਸਦੇ ਨਾਲ ਝਗੜਾ ਕਰਦਾ ਰਹਿੰਦਾ ਸੀ ਅਤੇ ਬਾਅਦ ਵਿੱਚ ਜਿਸ ਤੋਂ ਤੰਗ ਆ ਕੇ ਉਸਦੀ ਲੜਕੀ ਨੇ 16 ਫਰਵਰੀ ਨੂੰ ਰਾਤ ਕਰੀਬ 9 ਵਜ਼ੇ ਪੱਖੇ ਨਾਲ ਫਾਹਾ ਲੈ ਕੇ ਆਤਮ ਹੱਤਿਆ ਕਰ ਲਈ। ਪੁਲਸ ਨੇ ਲਾਲ ਚੰਦ ਦੀ ਸ਼ਿਕਾਇਤ ‘ਤੇ ਉਕਤ ਕਥਿਤ ਦੋਸ਼ੀ ਵਿਜੇ ਕੁਮਾਰ ਦੇ ਵਿਰੁੱਧ 306 ਆਈ.ਪੀ.ਸੀ. ਤਹਿਤ ਮਾਮਲਾ ਦਰਜ਼ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।