ਲੜਾਈ ਛਡਾਉਣ ਗਏ ਦੇ ਸਿਰ ‘ਚ ਇੱਟ ਮਾਰ ਕੀਤਾ ਬੇਹੋਸ਼, ਮਾਮਲਾ ਦਰਜ਼

ਪਟਿਆਲਾ, 19 ਫਰਵਰੀ (ਰੁਪਿੰਦਰ ਸਿੰਘ) : ਕੋਤਵਾਲੀ ਨਾਭਾ ਜਿਲ੍ਹਾ ਪਟਿਆਲਾ ਦੀ ਪੁਲਸ ਨੇ ਝੱਗੜਾ ਕਰਕੇ ਗੰਭੀਰ ਜਖਮੀ ਕਰਨ ਵਾਲੇ ਕਥਿਤ ਦੋਸ਼ੀਆਂ ਦੇ ਖਿਲਾਫ ਮਾਮਲਾ ਦਰਜ਼ ਕੀਤਾ ਹੈ। ਕਥਿਤ ਦੋਸ਼ੀਆਂ ਦੀ ਪਹਿਚਾਣ ਸੰਦੀਪ ਸਿੰਘ ਵਾਸੀ ਧਾਨਕਾ ਬਸਤੀ ਅਤੇ ਮੁਕੇਸ਼ ਵਾਸੀ ਬੋੜਾ ਗੇਟ ਨਾਭਾ ਵਜੋਂ ਹੋਈ ਹੈ। ਮੁਦਈ ਮਹਿੰਦਰ ਕੁਮਾਰ ਪੁੱਤਰ ਨਿੱਦੂ ਰਾਮ ਵਾਸੀ ਰਾਮ ਨਗਰ ਨਾਭਾ ਅਨੁਸਾਰ ਬੀਤੀ 16 ਫਰਵਰੀ ਨੂੰ ਰਾਤ ਕਰੀਬ 8 ਵਜ਼ੇ ਉਕਤ ਕਥਿਤ ਦੋਸ਼ੀ ਉਸਦੇ ਮਾਮਲੇ ਦੇ ਲ਼ੜਕੇ ਦੀ ਕੁੱਟਮਾਰ ਕਰ ਰਹੇ ਸੀ, ਜਦੋਂ ਉਸ ਨੇ ਮੌਕੇ ‘ਤੇ ਪਹੁੰਚ ਕੇ ਝਗੜਾ ਛਡਾਉਣ ਦੀ ਕੋਸ਼ਿਸ਼ ਕੀਤੀ ਤਾਂ ਉਕਤ ਦੋਸ਼ੀ ਵਿਅਕਤੀਆਂ ਨੇ ਉਸਦੀ ਦੀ ਵੀ ਕੁੱਟਮਾਰ ਕਰਨੀ ਸ਼ੁਰੂ ਕਰ ਦਿੱਤੀ ਅਤੇ ਬਾਅਦ ਇਕ ਇੱਟ ਉਸਦੇ ਸਿਰ ‘ਚ ਮਾਰੀ, ਜਿਥੇ ਉਹ ਮੌਕੇ ਪਰ ਬੇਹੋਸ਼ ਹੋ ਗਿਆ ਅਤੇ ਜਿਸ ਨੂੰ ਇਲਾਜ਼ ਲਈ ਚੰਡੀਗੜ੍ਹ 32 ਸੈਕਟਰ ਦੇ ਹਸਪਤਾਲ ਵਿਖੇ ਦਾਖਲ ਕਰਵਾਇਆ ਗਿਆ। ਪੁਲਸ ਨੇ ਮਹਿੰਦਰ ਦੀ ਸਿਕਾਇਤ ‘ਤੇ ਕਥਿਤ ਦੋਸ਼ੀਆਂ ਦੇ ਖਿਲਾਫ 323,341,506, 34 ਆਈ.ਪੀ.ਸੀ. ਤਹਿਤ ਮਾਮਲਾ ਦਰਜ਼ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।