ਕਾਰ ਦੀ ਟ੍ਰਾਈ ਲੈਣ ਦੇ ਬਹਾਨੇ ਭਜਾ ਲੈ ਗਏ ਕਾਰ

ਪਟਿਆਲਾ, 20 ਫਰਵਰੀ (ਰੁਪਿੰਦਰ ਸਿੰਘ) : ਥਾਣਾ ਕੋਤਵਾਲੀ ਪਟਿਆਲਾ ਦੀ ਪੁਲਸ ਨੇ ਕਾਰ ਦੀ ਟ੍ਰਾਈ ਲੈਣ ਦੇ ਬਹਾਨੇ ਕਾਰ ਚੋਰੀ ਕਰਨ ਵਾਲੇ 3 ਵਿਅਕਤੀਆਂ ਦੇ ਖਿਲਾਫ ਮਾਮਲਾ ਦਰਜ਼ ਕੀਤਾ ਹੈ। ਦੋਸ਼ੀ ਵਿਅਕਤੀਆਂ ਦੀ ਪਹਿਚਾਣ ਜਤਿੰਦਰ ਸਿੰਘ ਵਾਸੀ ਸਨੋਰ, ਸਤਾਰ ਖਾਨ ਵਾਸੀ ਅਲਾਮਦੀਪੁਰ ਅਤੇ ਸੁੱਖੀ ਵਾਸੀ ਸ਼ੇਖਪੁਰਾ ਪਟਿਆਲਾ ਵਜੋਂ ਹੋਈ। ਮੁਦਈ ਮਨੋਹਰ ਲਾਲ ਪੁੱਤਰ ਸ਼੍ਰੀ ਨਾਥ ਵਾਸੀ ਆਦਰਸ਼ ਨਗਰ ਅਬਲੋਵਾਲ ਨੇ ਦੱਸਿਆ ਕਿ ਉਸਦੀ ਸਾਈਂ ਮਾਰਕੀਟ ਵਿਖੇ ਡੈਟਿੰਗ ਪੇਟਿੰਗ ਦੀ ਦੁਕਾਨ ਹੈ, ਦੇ ਕੁੱਝ ਦਿਨ ਪਹਿਲਾਂ ਪ੍ਰਿਤਪਾਲ ਪੁੱਤਰ ਹੰਸ ਰਾਜ ਨਾਮਕ ਵਿਅਕਤੀ ਆਪਣੀ ਕਾਰ ਨੰਬਰ ਯੂ.ਕੇ. 07 ੲੈ.ਡੀ. 5086 ਕਰੂਜ਼ ਕਾਰ ਠੀਕ ਕਰਾਉਣ ਲਈ ਖੜ੍ਹੀ ਕਰਕੇ ਗਿਆ ਸੀ, ਜਿਥੇ ਬੀਤੇ ਦਿਨੀ ਉਕਤ ਦੋਸ਼ੀ ਉਸਦੀ ਗੱਡੀ ਦੀ ਟ੍ਰਾਈ ਲੈਣ ਲਈ ਆ ਗਏ ਅਤੇ ਬਾਅਦ ਵਿੱਚ ਉਹ ਗੱਡੀ ਚੋਰੀ ਕਰਕੇ ਫਰਾਰ ਹੋ ਗਏ। ਮੁਦਈ ਵੱਲੋਂ ਉਨ੍ਹਾਂ ਨੂੰ ਕਾਫੀ ਕਾਰ ਕਹਿਣ ਦੇ ਬਾਵਜੂਦ ਵੀ ਉਹ ਕਾਰ ਵਾਪਸ ਨਹੀਂ ਕਰ ਰਹੇ। ਪੁਲਸ ਨੇ ਮਨੋਹਰ ਲਾਲ ਦੀ ਸ਼ਿਕਾਇਤ ‘ਤੇ ਉਕਤ ਦੋਸ਼ੀਆਂ ਦੇ ਖਿਲਾਫ 406,34 ਆਈ.ਪੀ.ਸੀ. ਤਹਿਤ ਮਾਮਲਾ ਦਰਜ਼ ਕਰਕੇ ਭਾਲ ਸ਼ੁਰੂ ਕਰ ਦਿੱਤੀ ਹੈ।