ਬੰਦ ਪਈ ਦੁਕਾਨ ‘ਚੋਂ ਚੋਰ 48 ਹਜ਼ਾਰ ਨਗਦੀ ਸਮੇਤ ਜ਼ਰੂਰੀ ਦਸਤਾਵੇਜ਼ ਲੈ ਕੇ ਹੋਏ ਫਰਾਰ

ਜੁਲਕਾਂ, 20 ਫਰਵਰੀ (ਰੁਪਿੰਦਰ ਸਿੰਘ) : ਥਾਣਾ ਜੁਲਕਾਂ ਪਟਿਆਲਾ ਦੀ ਪੁਲਸ ਨੇ ਦੁਕਾਨ ਵਿੱਚੋਂ 48 ਹਜ਼ਾਰ ਰੁਪਏ ਨਗਦੀ ਅਤੇ ਹੋਰ ਜ਼ਰੂਰੀ ਦਸਤਾਵੇਜ਼ ਚੋਰੀ ਕਰਕੇ ਫਰਾਰ ਹੋਣ ਵਾਲੇ ਅਣਪਛਾਤੇ ਚੋਰ ਜਾਂ ਚੋਰਾਂ ਦੇ ਖਿਲਾਫ ਮਾਮਲਾ ਦਰਜ਼ ਕੀਤਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਦੁਕਾਨ ਮਾਲਕ ਅਮਰਜੀਤ ਸਿੰਘ ਪੁੱਤਰ ਮੁਖਤਿਆਰ ਸਿੰਘ ਵਾਸੀ ਪਿੰਡ ਰੋਹੜ ਜੰਗੀਰ ਥਾਣਾ ਜੁਲਕਾਂ ਨੇ ਦੱਸਿਆ ਕਿ ਉਸਦੀ ਰੋਹੜ ਜੰਗੀਰ ਵਿਖੇ ਗੁਰੂ ਨਾਨਕ ਪੈਸਟੀਸਾਈਡ ਨਾਮਕ ਦੁਕਾਨ ਹੈ, ਜਿਸ ਨੂੰ ਬੀਤੀ 19 ਫਰਵਰੀ ਨੂੰ ਦੁਪਿਹਰ 12 ਵਜ਼ੇ ਦੇ ਕਰੀਬ ਬੰਦ ਕਰਕੇ ਕਿਸੇ ਕੰਮ ਵਸੋਂ ਬਾਹਰ ਗਿਆ, ਜਦੋਂ ਉਸ ਨੇ ਵਾਪਸ ਆ ਕੇ ਦੇਖਿਆ ਤਾਂ ਉਸਦੀ ਦੁਕਾਨ ਵਿਚੋਂ 48 ਹਜ਼ਾਰ ਰੁਪਏ ਨਗਦੀ, ਉਸਦਾ ਪਰਸ, ਜਿਸ ਵਿੱਚ 2 ਏ.ਟੀ.ਐਮ. ਕਾਰਡ, ਪੈਨ ਕਾਰਡ, ਆਧਾਰ ਕਾਰਡ ਅਤੇ ਕੁੱਝ ਨਗਦੀ ਵਗੈਰਾ ਸੀ ਨੂੰ ਲੈ ਕੇ ਫਰਾਰ ਹੋ ਗਏ। ਪੁਲਸ ਨੇ ਉਕਤ ਨਾ ਮਾਲੂਮ ਚੋਰ ਜਾਂ ਚੋਰਾਂ ਦੇ ਖਿਲਾਫ ਮਾਮਲਾ ਦਰਜ਼ ਕਰਕੇ ਭਾਲ ਸ਼ੁਰੂ ਕਰ ਦਿੱਤੀ ਹੈ।