ਕੁੱਟਮਾਰ, ਅਸ਼ਲੀਲ ਹਰਕਤਾਂ ਅਤੇ ਫਰਨਾਇਲ ਪਿਲਾ ਕੇ ਜਾਨੋ ਮਾਰਨ ਦੀ ਕੋਸ਼ਿਸ਼ ਕਰਨ ਵਾਲੇ ਸਹੁਰਾ ਪਰਿਵਾਰ ਖਿਲਾਫ ਮਾਮਲਾ ਦਰਜ਼

ਪਟਿਆਲਾ, 26 ਫਰਵਰੀ (ਰੁਪਿੰਦਰ ਸਿੰਘ) : ਥਾਣਾ ਜੁਲਕਾਂ ਦੀ ਪੁਲਸ ਨੇ ਔਰਤ ਨਾਲ ਕੁੱਟਮਾਰ, ਅਸ਼ਲੀਲ ਹਰਕਤਾਂ ਅਤੇ ਫਰਨਾਇਲ ਪਿਲਾ ਕੇ ਜਾਨੋ ਮਾਰਨ ਦੀ ਕੋਸ਼ਿਸ਼ ਕਰਨ ਵਾਲੇ ਸਹੁਰਾ ਪਰਿਵਾਰ ਦੇ ਖਿਲਾਫ ਮਾਮਲਾ ਦਰਜ਼ ਕੀਤਾ ਹੈ। ਕਥਿਤ ਦੋਸ਼ੀਆਂ ਦੀ ਪਹਿਚਾਣ ਅਰਵਿੰਦਰ ਮਿੱਤਲ,ਅਜੈ ਪੁੱਤਰਾਨ ਸ਼ਿੰਵ ਕੁਮਾਰ, ਨੰਦ ਰਾਣੀ ਪਤਨੀ ਸ਼ਿਵ ਕੁਮਾਰ, ਰਿਸ਼ਵ ਪੁੱਤਰ ਅਰਵਿੰਦਰ ਮਿੱਤਲ ਵਾਸੀਆਨ ਮੇਨ ਬਜ਼ਾਰ ਦੇਵੀਗੜ ਥਾਣਾ ਜੁਲਕਾਂ ਵਜੋਂ ਹੋਈ ਹੈ। ਕੁੱਟਮਾਰ ਦਾ ਸ਼ਿਕਾਰ ਹੋਈ ਔਰਤ ਅਨੁਸਾਰ ਉਸਦਾ ਦੂਜਾ ਵਿਆਹ 6 ਦਸੰਬਰ 2020 ਨੂੰ ਉਕਤ ਦੋਸ਼ੀ ਅਰਵਿੰਦਰ ਮਿੱਤਲ ਨਾਲ ਹੋਇਆ ਸੀ, ਜਿਸ ਤੋਂ ਬਾਅਦ ਉਸਦਾ ਸਹੁਰਾ ਪਰਿਵਾਰ ਉਸ ਨੂੰ ਤੰਗ ਪ੍ਰੇਸ਼ਾਨ ਕਰਨ ਲੱਗ ਪਿਆ। ਉਸ ਨੇ ਦੱਸਿਆ ਕਿ ਬੀਤੀ 23 ਫਰਵਰੀ ਨੂੰ ਰਾਤ ਕਰੀਬ 11 ਵਜ਼ੇ ਉਕਤ ਦੋਸ਼ੀਆਂ ਨੇ ਉਸਦੀ ਕੁੱਟਮਾਰ ਕੀਤੀ ਅਤੇ ਅਜੈ ਨਾਮਕ ਵਿਅਕਤੀ ਨੇ ਉਸਦੇ ਨਾਲ ਅਸ਼ਲੀਲ ਹਰਕਤਾਂ ਕੀਤੀਆਂ, ਜਿਸ ਤੋਂ ਬਾਅਦ ਉਸ ਨੂੰ ਫਰਨਾਇਲ ਪਿਲਾ ਕੇ ਜਾਨੋ ਮਾਰਨ ਦੀ ਵੀ ਕੋਸ਼ਿਸ਼ ਕੀਤੀ ਗਈ। ਪੁਲਸ ਨੇ ਪੀੜ੍ਹਤ ਔਰਤ ਦੀ ਸ਼ਿਕਾਇਤ ‘ਤੇ ਉਕਤ ਦੋਸ਼ੀਆਂ ਦੇ ਖਿਲਾਫ 354, 354ਏ, 498ਏ, 323, 34, 120-ਬੀ ਆਈ.ਪੀ.ਸੀ. ਤਹਿਤ ਮਾਮਲਾ ਦਰਜ਼ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ