ਸਕੂਲ ‘ਚੋਂ ਜ਼ਰੂਰੀ ਸਮਾਨ ਹੋਇਆ ਚੋਰੀ

ਪਟਿਆਲਾ, 1 ਮਾਰਚ (ਰੁਪਿੰਦਰ ਸਿੰਘ) : ਥਾਣਾ ਸਿਵਲ ਲਾਈਨ ਪਟਿਆਲਾ ਦੀ ਪੁਲਸ ਨੇ ਸਿਕਲੀਗਰ ਸਕੂਲ ਵਿਚੋਂ ਜ਼ਰੂਰੀ ਸਮਾਨ ਚੋਰੀ ਕਰਨ ਵਾਲੇ ਅਣਪਛਾਤੇ ਚੋਰਾਂ ਦੇ ਖਿਲਾਫ ਮਾਮਲਾ ਦਰਜ਼ ਕੀਤਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪ੍ਰੇਮਜੀਤ ਕੌਰ ਪਤਨੀ ਮਨਦੀਪ ਸਿੰਘ ਵਾਸੀ ਮਹਾਰਾਜਾ ਯਾਦਵਿੰਦਰ ਇੰਨਕਲੇਵ ਜੋ ਕਿ ਸਰਕਾਰੀ ਐਲੀਮੈਂਟਰੀ ਸਕੂਲ ਸਿਕਲੀਗਰ ਪਟਿਆਲਾ ਵਿਖੇ ਬਤੌਰ ਇੰਚਾਰਜ ਹਨ ਨੇ ਦੱਸਿਆ ਕਿ ਬੀਤੀ 27-28 ਫਰਵਰੀ ਦੀ ਦਰਮਿਆਨੀ ਰਾਤ ਨੂੰ ਕਿਸੇ ਨਾ ਮਾਲੂਮ ਚੋਰ ਜਾਂ ਚੋਰਾਂ ਵੱਲੋਂ ਸਕੂਲ ਵਿੱਚੋਂ 2 ਸਿਲੰਡਰ, ਇੱਕ ਭੱਠੀ, 20 ਲੀਟਰ ਦਾ ਕੂਕਰ, ਇਕ ਗੈਸ ਝੁੱਲਾ ਅਤੇ ਕੁੱਝ ਪਾਇਪਾਂ ਚੋਰੀ ਕਰ ਲਿਆ ਗਿਆ। ਪੁਲਸ ਨੇ ਉਕਤ ਅਣਪਛਾਤੇ ਚੋਰ ਜਾਂ ਚੋਰਾਂ ਦੇ ਖਿਲਾਫ 457, 380 ਆਈ.ਪੀ.ਸੀ. ਤਹਿਤ ਮਾਮਲਾ ਦਰਜ਼ ਕਰਕੇ ਭਾਲ ਸ਼ੁਰੂ ਕਰ ਲਈ ਹੈ।