ਪਤੀ ਵੱਲੋਂ ਪਤਨੀ ਨੂੰ ਅੱਗ ਨਾਲ ਸਾੜ ਕੇ ਮਾਰਨ ਦੀ ਕੀਤੀ ਕੋਸ਼ਿਸ਼

ਪਟਿਆਲਾ, 4 ਮਾਰਚ (ਰੁਪਿੰਦਰ ਸਿੰਘ) : ਥਾਣਾ ਸਦਰ ਪਟਿਆਲਾ ਦੀ ਪੁਲਸ ਨੇ ਆਪਣੀ ਹੀ ਪਤਨੀ ਨੂੰ ਅੱਗ ਨਾਲ ਸਾੜ ਕੇ ਮਾਰਨ ਦੀ ਕੋਸ਼ਿਸ਼ ਕਰਨ ਵਾਲੇ ਦੋਸ਼ੀ ਵਿਅਕਤੀ ਦੇ ਖਿਲਾਫ ਮਾਮਲਾ ਦਰਜ਼ ਕੀਤਾ ਹੈ। ਦੋਸ਼ੀ ਵਿਅਕਤੀ ਦੀ ਪਹਿਚਾਣ ਕੁਲਦੀਪ ਗਿਰ ਪੁੱਤਰ ਨਛੱਤਰ ਗਿਰ ਵਾਸੀ ਪਿੰਡ ਬਡਲੀ ਥਾਣਾ ਸਦਰ ਪਟਿਆਲਾ ਵਜੋਂ ਹੋਈ ਹੈ। ਪੀੜ੍ਹਤ ਔਰਤ ਆਰਤੀ ਨੇ ਦੱਸਿਆ ਕਿ ਉਕਤ ਦੋਸ਼ੀ ਕੁਲਦੀਪ ਗਿਰ ਉਸਦਾ ਪਤੀ ਹੈ, ਜੋ ਬੀਤੇ ਦਿਨੀ ਰਾਤ 11 ਵਜ਼ੇ ਦੇ ਕਰੀਬ ਉਸਦੇ ਕਮਰੇ ਵਿੱਚ ਆਇਆ, ਜਿਥੇ ਉਸ ਨੇ ਮਾਰਨ ਦੀ ਨਿਯਤ ਨਾਲ ਆਰਤੀ ਅਤੇ ਉਸਦੇ ਬੈੱਡ ‘ਤੇ ਪੈਟਰੋਲ ਪਾ ਦਿੱਤਾ ਅਤੇ ਅੱਗ ਲਗਾ ਕੇ ਕੰਮਰੇ ਦੀ ਕੁੰਡੀ ਲਗਾ ਕੇ ਭੱਜ ਗਿਆ ਅਤੇ ਬਾਅਦ ਵਿੱਚ ਪੀੜ੍ਹਤ ਵੱਲੋਂ ਰੌਅਲਾ ਪਾਉਣ ‘ਤੇ ਉਸਦੀ ਭੈਣ ਨੇ ਆ ਕੇ ਕੁੰਡੀ ਖੋਲ ਕੇ ਅੱਗ ਬੁਝਾਈ। ਪੀੜ੍ਹਤ ਔਰਤ ਆਰਤੀ ਇਸ ਸਮੇਂ ਚੰਡੀਗੜ੍ਹ ਪੀ.ਜੀ.ਆਈ. ਵਿਖੇ ਜੇਰੇ ਇਲਾਜ਼ ਹੈ। ਪੁਲਸ ਨੇ ਪੀੜ੍ਹਤ ਔਰਤ ਦੀ ਸਿਕਾਇਤ ‘ਤੇ ਉਕਤ ਕਥਿਤ ਦੋਸ਼ੀ ਵਿਅਕਤੀ ਦੇ ਖਿਲਾਫ 307,506 ਆਈ.ਪੀ.ਸੀ. ਤਹਿਤ ਮਾਮਲਾ ਦਰਜ਼ ਕਰ ਲਿਆ ਹੈ।