ਸੜਕ ਹਾਦਸੇ ਦੌਰਾਨ ਨੌਜਵਾਨ ਲੜਕੇ ਦੀ ਮੌਤ

ਪਟਿਆਲਾ, 4 ਮਾਰਚ (ਰੁਪਿੰਦਰ ਸਿੰਘ) : ਥਾਣਾ ਸਿਟੀ ਰਾਜਪੁਰਾ ਦੀ ਪੁਲਸ ਨੇ ਲਾਪਰਵਾਹੀ ਅਤੇ ਤੇਜ਼ ਰਫਤਾਰ ਨਾਲ ਗੱਡੀ ਚਲਾ ਕੇ ਇਕ ਨੌਜਵਾਨ ਨੂੰ ਮੌਤ ਦੇ ਘਾਟ ਉਤਾਰਨ ਵਾਲੇ ਦੋਸ਼ੀ ਡਰਾਇਵਰ ਦੇ ਖਿਲਾਫ ਮਾਮਲਾ ਦਰਜ਼ ਕੀਤਾ ਹੈ। ਮੌਕੇ ‘ਤੇ ਮੌਜੂਦ ਵਿਅਕਤੀ ਗੁਰਜਿੰਦਰ ਸਿੰਘ ਨੇ ਦੱਸਿਆ ਕਿ ਉਹ ਸਵੇਰੇ 7 ਵਜ਼ੇ ਦੇ ਕਰੀਬ ਆਪਣੇ ਸਾਈਕਲ ਪਰ ਸਵਾਰ ਹੋ ਕੇ ਸਕੋਲਰ ਸਕੂਲ ਰਾਜਪੁਰਾ ਪਾਸ ਜਾ ਰਿਹਾ ਸੀ, ਜਿਥੇ ਉਸਦੇ ਅੱਗੇ ਹੀ ਇਕ ਨਾ ਮਾਲੂਮ ਨੌਜਵਾਨ ਲੜਕਾ ਵੀ ਜਾ ਰਿਹਾ ਹੈ, ਜਿਥੇ ਉਕਤ ਨਾ ਮਾਲੂਮ ਡਰਾਇਵਰ ਜੋ ਕਿ ਆਪਣੀ ਕਾਰ ਨੂੰ ਤੇਜ਼ ਰਫਤਾਰ ਅਤੇ ਲਾਪਰਵਾਹੀ ਚਲਾ ਰਿਹਾ ਸੀ ਨੇ ਲਿਆ ਕੇ ਉਸ ਨਾ ਮਾਲੂਮ ਨੌਜਵਾਨ ਲੜਕੇ ਵਿੱਚ ਮਾਰੀ ਅਤੇ ਮੌਕੇ ‘ਤੇ ਹੀ ਨੌਜਵਾਨ ਲੜਕੇ ਦੀ ਮੌਤ ਹੋ ਗਈ ਅਤੇ ਦੋਸ਼ੀ ਡਰਾਇਵਰ ਗੱਡੀ ਨੂੰ ਹੋਰ ਤੇਜ਼ ਰਫਤਾਰ ਨਾਲ ਭਜਾ ਕੇ ਫਰਾਰ ਹੋ ਗਿਆ। ਸਿਟੀ ਰਾਜਪੁਰਾ ਪੁਲਸ ਨੇ ਉਕਤ ਦੋਸ਼ੀ ਡਰਾਇਵਰ ਦੇ ਖਿਲਾਫ 279,304 ਏ .ਆਈ.ਪੀ.ਸੀ. ਤਹਿਤ ਮਾਮਲਾ ਦਰਜ਼ ਕਰਕੇ ਭਾਲ ਸ਼ੁਰੂ ਕਰ ਦਿੱਤੀ ਹੈ।