ਝਪਟਮਾਰ ਸੋਨੇ ਦੀ ਚੈਨ ਖੋਹ ਕੇ ਹੋਏ ਫਰਾਰ

ਪਟਿਆਲਾ, 10 ਮਾਰਚ (ਰੁਪਿੰਦਰ ਸਿੰਘ) : ਥਾਣਾ ਲਾਹੋਰੀ ਗੇਟ ਪਟਿਆਲਾ ਦੀ ਪੁਲਸ ਨੇ ਸੋਨੇ ਦੀ ਚੈਨ ਝਪਟ ਮਾਰ ਕੇ ਉਡਾ ਲੈ ਜਾਣ ਵਾਲੇ ਝਪਟਮਾਰਾਂ ਦੇ ਖਿਲਾਫ ਮਾਮਲਾ ਦਰਜ਼ ਕੀਤਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦੀ ਸਵਰਨਜੀਤ ਕੌਰ ਪਤਨੀ ਲੇਟ ਪ੍ਰਿਤਪਾਲ ਸਿੰਘ ਵਾਸੀ ਅੰਗਦਪੁਰਾ ਸਟਰੀਟ ਸਰਹਿੰਦੀ ਗੇਟ ਪਟਿਆਲਾ ਨੇ ਦੱਸਿਆ ਕਿ ਉਹ ਆਪਣੇ ਪੁੱਤਰ ਨਾਲ ਪਰਸ਼ੂ ਰਾਮ ਚੌਂਕ ਵਿਖੇ ਨਗਰ ਕੀਰਤਨ ਦੇ ਦਰਸ਼ਨ ਕਰਨ ਗਈ ਸੀ, ਜਿਥੇ ਉਕਤ ਝਪਟਮਾਰ ਆਏ ਅਤੇ ਝਪਟ ਮਾਰ ਕੇ ਉਸਦੇ ਗਲ ‘ਚ ਪਈ ਸੋਨੇ ਦੀ ਚੈਨ ਨੂੰ ਖੋਹ ਕੇ ਫਰਾਰ ਹੋ ਗਏ। ਪੁਲਸ ਨੇ ਉਕਤ ਝਪਟਮਾਰਾਂ ਦੇ ਖਿਲਾਫ 379 ਬੀ ਆਈ.ਪੀ.ਸੀ. ਤਹਿਤ ਮਾਮਲਾ ਦਰਜ਼ ਕਰਕੇ ਭਾਲ ਸ਼ੁਰੂ ਕਰ ਦਿੱਤੀ ਹੈ।