ਬੇਕਾਬੂ ਟਰੱਕ ਨੇ ਸੜਕੀ ਹਾਦਸੇ ‘ਚ ਲਈ 2 ਦੀ ਜਾਨ, ਬਾਕੀ ਗੰਭੀਰ ਜਖਮੀ

ਪਟਿਆਲਾ, 14 ਮਾਰਚ (ਰੁਪਿੰਦਰ ਸਿੰਘ) : ਸਿਵਲ ਲਾਈਨ ਪਟਿਆਲਾ ਦੀ ਪੁਲਸ ਵੱਲੋਂ ਤੇਜ਼ ਰਫਤਾਰ ਅਤੇ ਲਾਪਰਵਾਹੀ ਨਾਲ ਟਰੱਕ ਚਲਾ ਕੇ 2 ਵਿਅਕਤੀਆਂ ਨੂੰ ਮੌਤ ਦੇ ਘਾਟ ਉਤਾਰਨ ਅਤੇ ਬਾਕੀਆਂ ਨੂੰ ਗੰਭੀਰ ਜਖਮੀ ਕਰਨ ਦੇ ਦੋਸ਼ ਤਹਿਤ ਟਰੱਕ ਡਰਾਇਵਰ ਦੇ ਖਿਲਾਫ ਮਾਮਲਾ ਦਰਜ਼ ਕੀਤਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਅਨਿਲ ਕੁਮਾਰ ਪੁੱਤਰ ਰਾਮ ਸਰੂਪ ਨੇ ਦੱਸਿਆ ਕਿ ਉਸਦਾ ਭਤੀਜਾ ਚੇਤਨ ਸਕਸੈਨਾ ਜਗਦੇਵ ਸਿੰਘ, ਲਵਜੀਤ ਸਿੰਘ, ਮਨਿੰਦਰ ਸਿੰਘ ਅਤੇ ਨਵਦੀਪ ਸਿੰਘ ਨਾਂਲ ਕਾਰ ‘ਚ ਸਵਾਰ ਹੋ ਕੇ ਠੀਕਰੀ ਵਾਲਾ ਚੌਂਕ ਪਟਿਆਲਾ ਪਾਸ ਜਾ ਰਿਹਾ ਹੈ, ਜਿਥੇ ਉਕਤ ਦੋਸ਼ੀ ਟਰੱਕ ਡਰਾਇਵਰ ਨੇ ਆਪਣਾ ਤੇਜ਼ ਰਫਤਾਰ ਟਰੱਕ ਲਿਆ ਕੇ ਚੇਤਨ ਦੀ ਕਾਰ ਵਿੱਚ ਮਾਰਿਆ, ਜਿਥੇ ਇਸ ਸੜਕੀ ਹਾਦਸੇ ਵਿੱਚ ਚੇਤਨ ਅਤੇ ਜਗਦੇਵ ਸਿੰਘ ਦੀ ਮੌਕੇ ਪਰ ਹੀ ਮੌਤ ਹੋ ਗਈ ਅਤੇ ਬਾਕੀ ਗੰਭੀਰ ਜਖਮੀ ਹੋ ਗਏ। ਪੁਲਸ ਨੇ ਉਕਤ ਨਾ ਮਾਲੂਮ ਦੋਸ਼ੀ ਟਰੱਕ ਡਰਾਇਵਰ ਦੇ ਖਿਲਾਫ 279, 304ਏ, 337, 427 ਆਈ.ਪੀ.ਸੀ. ਤਹਿਤ ਮਾਮਲਾ ਦਰਜ਼ ਕਰਕੇ ਭਾਲ ਸ਼ੁਰੂ ਕਰ ਦਿੱਤੀ ਹੈ।