ਪੇਸ਼ਾਬ ਕਰ ਰਹੇ ਵਿਅਕਤੀ ਦੇ ਹੱਥੋਂ ਚੋਰ ਮੋਬਾਈਲ ਖੋਹ ਕੇ ਹੋਇਆ ਫਰਾਰ

ਪਟਿਆਲਾ, 14 ਮਾਰਚ (ਰੁਪਿੰਦਰ ਸਿੰਘ) : ਥਾਣਾ ਲਾਹੋਰੀ ਗੇਟ ਪਟਿਆਲਾ ਦੀ ਪੁਲਸ ਨੇ ਮੋਬਾਈਲ ਚੋਰੀ ਕਰਨ ਵਾਲੇ ਦੋਸ਼ੀ ਵਿਅਕਤੀ ਦੇ ਖਿਲਾਫ ਮਾਮਲਾ ਦਰਜ਼ ਕੀਤਾ ਹੈ। ਮੋਬਾਈਲ ਮਾਲਕ ਸੰਦੀਪ ਸਿੰਘ ਪੁੱਤਰ ਲਖਵੀਰ ਸਿੰਘ ਵਾਸੀ ਵੜੈਚ ਕਲੋਨੀ ਸਮਾਣਾਨੇ ਦੱਸਿਆ ਕਿ ਉਹ 20 ਨੰਬਰ ਫਾਟਕ ਦੇ ਨਜ਼ਦੀਕ ਖੜ੍ਹਾ ਪੇਸ਼ਾਬ ਕਰ ਰਿਹਾ ਸੀ, ਤੇ ਉਸਨੇ ਆਪਣਾ ਮੋਬਾਈਲ ਵੀ ਹੱਥ ਵਿੱਚ ਫੜ੍ਹ ਰੱਖਿਆ ਸੀ, ਜਿਥੇ ਉਕਤ ਦੋਸ਼ੀ ਵਿਅਕਤੀ ਆਇਆ ਤੇ ਉਸ ਨੂੰ ਪਹਿਲਾਂ ਧੱਕਾ ਮਾਰਿਆ ਫਿਰ ਉਸਦੇ ਹੱਥ ਵਿੱਚ ਫੜਿਆ ਮੋਬਾਈਲ ਖੋਹ ਕੇ ਫਰਾਰ ਹੋ ਗਿਆ। ਪੁਲਸ ਨੇ ਉਕਤ ਨਾ ਮਾਲੂਮ ਚੋਰ ਦੇ ਖਿਲਾਫ ਮਾਮਲਾ ਦਰਜ਼ ਕਰਕੇ ਭਾਲ ਸ਼ੁਰੂ ਕਰ ਦਿੱਤੀ ਹੈ।