ਪੁਲਸ ਦੇ ਸਖਤ ਪਹਿਰੇ ਹੇਠ ਭਾਜਪਾ ਆਗੂ ਜੀਵਨ ਗੁਪਤਾ ਦੀ ਹੋਈ ਪ੍ਰੈਸ ਮਿਲਣੀ

ਪਟਿਆਲਾ, 1 ਅਪ੍ਰੈਲ (ਰੁਪਿੰਦਰ ਸਿੰਘ) : ਪੰਜਾਬ ਭਾਜਪਾ ਦੇ ਜਨਰਲ ਸਕੱਤਰ ਜੀਵਨ ਗੁਪਤਾ ਪਟਿਆਲਾ ‘ਚ ਆਏ ਉਨ੍ਹਾਂ ਦੀ ਪੱਤਰਕਾਰਾਂ ਨਾਲ ਮਿਲਣੀ ਭਾਜਪਾ ਦੇ ਸ਼ਹਿਰੀ ਪ੍ਰਧਾਨ ਹਰਿੰਦਰ ਕੋਹਲੀ ਦੇ ਘਰ ਹੀ ਕਰਵਾਉਣੀ ਕਿਉਂਕਿ ਸਥਾਨਿਕ ਇਕ ਹੋਟਲ ਮਾਲਕ ਨੇ ਆਪਣੇ ਹੋਟਲ ‘ਚ ਇਹ ਸਮਾਗਮ ਕਰਾਉਣ ਤੋਂ ਨਾਂਹ ਕਰ ਦਿੱਤੀ ਸੀ। ਇਸ ਮੌਕੇ ਉਨ੍ਹਾਂ ਕੈਪਟਨ ਅਮਰਿੰਦਰ ਸਿੰਘ ਦੀ ਸਰਕਾਰੀ ਦੀ ਚਾਰ ਸਾਲਾਂ ਦੀ ਕਾਰਗੁਜਾਰੀ ਸਬੰਧੀ ਲੋਕਾਂ ਅਸਲ ਤਸਵੀਰ ਦਿਖਾਉਣ ਦੇ ਵੇਰਵੇ ਜਾਰੀ ਕੀਤੇ। ਜੀਵਨ ਗੁਪਤਾ ਨੇ ਆਖਿਆ ਕਿ ਭਾਜਪਾ 2022 ਦੀਆਂ ਵਿਧਾਨ ਸਭਾ ਚੋਣਾ ਮੌਕੇ ਇਕੱਲਿਆਂ ਹੀ ਚੋਣ ਲੜੇਗੀ। ਭਾਜਪਾ ਆਗੂ ਨੇ ਆਖਿਆ ਕਿ ਅਸੀਂ ਕਿਸਾਨਾਂ ਨੂੰ ਖਾਲਸਤਾਨੀ ਨਹੀਂ ਕਿਹਾ ਇਹ ਦੋਸ਼ ਗਲਤ ਹੈ , ਸਗੋਂ ਭਾਜਪਾ ਅੰਦਰ ਬਹੁਤ ਸਾਰੇ ਸਿੱਖ ਆਗੂ ਵੀ ਮੌਜੂਦ ਹਨ। ਉਨ੍ਹਾਂ ਮੋਦੀ ਸਰਕਾਰ ਵੱਲੋਂ ਕਿਸਾਨਾਂ ਦੇ ਹਿਤੈਸ਼ੀ ਹੋਣ ਦਾ ਦਾਅਵਾ ਕੀਤਾ ਤੇ ਕਈ ਯੋਜਨਾਵਾਂ ਬਾਰੇ ਜਾਣਕਾਰੀ ਦੇਣ ਦਾ ਯਤਨ ਕੀਤਾ।
ਇਸ ਮੌਕੇ ਜੀਵਨ ਗੁਪਤਾ ਨੇ ਆਖਿਆ ਕਿ ਕੈਪਟਨ ਸਰਕਾਰੀ ਹੋਰ ਫਰੰਟ ਤੇ ਫੇਲ ਹੋਈ ਹੈ। ਜੋ ਵੀ ਵਾਅਦੇ ਲੋਕਾਂ ਨਾਲ ਕੀਤੇ ਸਨ ਕਿਸੇ ਤੇ ਵੀ ਸਰਕਾਰੀ ਖਰਾ ਨਹੀਂ ੳਤਰ ਸਕੀ। ਉਨ੍ਹਾਂ ਆਖਿਆ ਕਿ ਸਰਕਾਰ ਨੋ ਝੂਠੇ ਸਬਜ਼ਵਾਬ ਲੋਕਾਂ ਨੂੰ ਦਿਖਾਏ ਪਰ ਹੁਣ ਕੈਪਟਨ ਖੁਦ ਹੀ ਇਨ੍ਹਾਂ ਤੋਂ ਭੱਜ ਰਹੇ ਹਨ।
ਕਿਸਾਨੀ ਸਬੰਧੀ ਪੁੱਛੇ ਗਏ ਸਵਾਲਾਂ ਦਾ ਜੀਵਨ ਗੁਪਤਾ ਤਸੱਲੀਬਖਸ਼ ਜ਼ਵਾਬ ਨਹੀਂ ਦੇ ਸਕੇ। ਫਸਲਾਂ ਦੇ ਘੱਟੋ ਘੱਟ ਸਮਰਥਨ ਮੁੱਲ ਸਬੰਧੀ ਜੀਵਨ ਗੁਪਤਾ ਨੇ ਆਖਿਆ ਕਿ ਕੇਂਦਰ ਸਰਕਾਰ ਨੇ ਚਿੱਠੀ ਜਾਰੀ ਕਰਕੇ ਸਭ ਸਪਸ਼ਟ ਕਰ ਦਿੱਤਾ ਸੀ ਕਿ ਐਮਐਸਪੀ ਜਾਰੀ ਰਹੇਗੀ, ਪਰ ਜਦੋਂ ਇਹ ਪੁੱਛਿਆ ਕਿ ਯੂਪੀ ਅਤੇ ਬਿਹਾਰ ਦਾ ਝੋਨਾਂ ਸਸਤੇ ਭਾਅ ਤੇ ਲਿਆਕੇ ਪੰਜਾਬ ਕਿਉਂ ਵੇਚਿਆ ਗਿਆ। ਇਕ ਸਵਾਲ ਦੇ ਜਵਾਬ ‘ਚ ਉਨ੍ਹਾਂ ਕਿਹਾ ਕਿ ਕੇਂਦਰ ਸਰਕਾਰ ਜਲਦ ਹੀ ਕਿਸਾਨਾਂ ਦੇ ਮਸਲੇ ਹੱਲ ਕਰੇਗੀ। ਦਿੱਲੀ ਦੀਆਂ ਹੱਦਾਂ ਤੇ ਬੈਠੇ ਕਿਸਾਨਾਂ ਨਾਲ ਜੋ ਵਿਵਹਾਰ ਕੀਤਾ ਜਾ ਰਿਹਾ ਹੈ ਕਿ ਇਹ ਕੀ ਹੈ ਕੋਈ ਜਵਾਬ ਨਹੀਂ ਸੀ। ਇਹ ਪੁੱਛੇ ਜਾਣ ਤੇ ਕਿ ਕਰੋਨਾਂ ਮਹਾਂਮਾਰੀ ਦੌਰਾਨ ਇਹ ਕਾਨੂੂੰਨ ਲਿਆਉਣ ਦੀ ਲੋੜ ਕਿਉਂ ਪਈ  ਪਰ ਜਵਾਬ ਨਹੀਂ ਸੀ।
ਗੋਰਤਲਬ ਹੈ ਕਿ ਇਸ ਮੌਕੇ ਪੂਲਿਸ ਕਪਤਾਲ ਜਾਂਚ ਹਰਮੀਤ ਸਿੰਘ ਹੁੰਦਲ, ਪੁਲਿਸ ਕਪਤਾਨ ਸ਼ਹਿਰੀ ਵਰੁਣ ਕੁਮਾਰ ਸ਼ਰਮਾਂ, ਉਪ ਪੁਲਿਸ ਕਪਤਾਨਾਂ ‘ਚ ਅਜੈਪਾਲ ਸਿੰਘ , ਯੋਗੇਸ਼ ਸ਼ਰਮਾਂ, ਸੌਰਵ ਜਿੰਦਲ, ਰਾਜੇਸ਼ ਛਿੱਬੜ, ਨਵੀਨ ਕੁਮਾਰ, ਭਰਪੂਰ ਸਿੰਘ ਅਤੇ ਬਹੁਤ ਸਾਰੇ ਥਾਣਿਆਂ ਦੇ ਮੁਖੀ ਵੀ ਹਾਜ਼ਰ ਸਨ, ਜਿਨ੍ਹਾਂ ਨੇ ਭਾਜਪਾ ਆਗੂ ਨੂੂੰ ਸੁਰਖਿਆ ਪ੍ਰਦਾਨ ਕੀਤੀ।
ਇਸ ਮੌਕੇ ਸਥਾਨਿਕ ਆਗੂਆਂ ‘ਚ ਸੁਖਵਿੰਦਰ ਕੌਰ ਨੌਲੱਖਾ, ਭੁਪੇਸ਼ ਅਗਰਵਾਲ,ਬਲਵੰਤ ਰਾਏ, ਗੁਰਜੀਤ ਸਿੰਘ ਕੋਹਲੀ, ਸੱਚ ਦੇਵ ਅਜੈ ਥਾਪਰ , ਤੇ ਹੋਰ ਆਗੁ ਵੀ ਹਾਜ਼ਰ ਸਨ।