ਜ਼ਿਲ੍ਹਾ ਮੈਜਿਸਟਰੇਟ ਨੇ ਕੋਵਿਡ-19 ਤੋਂ ਬਚਾਅ ਲਈ ਜਾਰੀ ਹਦਾਇਤਾਂ ‘ਚ ਕੀਤਾ ਬਦਲਾਅ

ਪਟਿਆਲਾ, 3 ਅਪਰੈਲ (ਰੁਪਿੰਦਰ ਸਿੰਘ) : ਜ਼ਿਲ੍ਹਾ ਮੈਜਿਸਟਰੇਟ ਪਟਿਆਲਾ ਸ੍ਰੀ ਕੁਮਾਰ ਅਮਿਤ ਨੇ ਹੁਕਮ ਜਾਰੀ ਕਰਕੇ ਕਿਹਾ ਹੈ ਕਿ ਜ਼ਿਲ੍ਹਾ ਪਟਿਆਲਾ ‘ਚ 20 ਮਾਰਚ 2021 ਨੂੰ ਜਾਰੀ ਹੁਕਮਾਂ ‘ਚ ਹਰੇਕ ਸ਼ਨੀਵਾਰ ਨੂੰ ਇਕ ਘੰਟੇ ਸ਼ਾਂਤੀ ਰੱਖਣ ਵਾਲੀ ਹਦਾਇਤ ਹੁਣ ਜ਼ਿਲ੍ਹੇ ‘ਚ ਲਾਗੂ ਨਹੀਂ ਹੋਵੇਗੀ ਅਤੇ ਬਾਕੀ ਹਦਾਇਤਾਂ ਅਗਲੇ ਹੁਕਮਾਂ ਤੱਕ ਉਸੇ ਤਰ੍ਹਾਂ ਜਾਰੀ ਰਹਿਣਗੀਆਂ।
ਜਾਰੀ ਹੁਕਮਾਂ ‘ਚ ਕਿਹਾ ਗਿਆ ਹੈ ਕਿ ਵਧੀਕ ਮੁੱਖ ਸਕੱਤਰ (ਗ੍ਰਹਿ) ਗ੍ਰਹਿ ਮਾਮਲੇ ਤੇ ਨਿਆਂ, ਪੰਜਾਬ ਸਰਕਾਰ ਚੰਡੀਗੜ੍ਹ ਵੱਲੋਂ ਪ੍ਰਾਪਤ ਪੱਤਰ ਨੰਬਰ 7/56/2021/284/1689 ਰਾਹੀਂ ਹੋਈ ਹਦਾਇਤ ਦੀ ਪਾਲਣਾ ‘ਚ ਜ਼ਿਲ੍ਹਾ ਪਟਿਆਲਾ ‘ਚ ਹਰ ਸ਼ਨੀਵਾਰ ਨੂੰ ਇੱਕ ਘੰਟਾ ਸ਼ਾਂਤੀ ਰੱਖਣ ਵਾਲੀ ਸਿਰਫ਼ ਹਦਾਇਤ ਹੁਣ ਲਾਗੂ ਨਹੀਂ ਹੋਵੇਗੀ ਅਤੇ ਬਾਕੀ ਹਦਾਇਤਾਂ ਅਗਲੇ ਹੁਕਮਾਂ ਤੱਕ ਉਸੇ ਤਰ੍ਹਾਂ ਹੀ ਲਾਗੂ ਰਹਿਣਗੀਆਂ।