ਮੋਬਾਈਲਾਂ ਦੀ ਦੁਕਾਨ ‘ਚੋਂ ਨਗਦੀ ਸਮੇਤ ਜ਼ਰੂਰੀ ਸਮਾਨ ਚੋਰੀ

ਪਟਿਆਲਾ, 6 ਅਪ੍ਰੈਲ (ਰੁਪਿੰਦਰ ਸਿੰਘ) : ਥਾਣਾ ਕੋਤਵਾਲੀ ਪਟਿਆਲਾ ਦੀ ਪੁਲਸ ਨੇ ਮੋਬਾਈਲਾਂ ਦੀ ਦੁਕਾਨ ਵਿਚੋਂ ਨਗਦੀ ਅਤੇ ਮੋਬਾਈਲ ਸਮੇਤ ਹੋਰ ਜਰੂਰੀ ਸਮਾਨ ਚੋਰੀ ਕਰਨ ਵਾਲੇ ਅਣਪਛਾਤੇ ਚੋਰਾਂ ਦੇ ਖਿਲਾਫ ਮਾਮਲਾ ਦਰਜ਼ ਕੀਤਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਦੁਕਾਨ ਮਾਲਕ ਅਮਨਦੀਪ ਸਿੰਘ ਪੁੱਤਰ ਅਮਰੀਕ ਸਿੰਘ ਵਾਸੀ ਮਜੀਠੀਆ ਇੰਨਕਲੇਵ ਨੇ ਦੱਸਿਆ ਕਿ ਉਸਦੀ ਬੇਹੜਾ ਰੋਡ ਪਟਿਆਲਾ ਵਿਖੇ ਮੋਬਾਈਲਾਂ ਦਾ ਸ਼ੋਰੂਮ ਹੈ, ਜਿਥੇ 3 ਅਤੇ 4 ਅਪ੍ਰੈਲ ਦੀ ਦਰਮਿਆਨੀ ਰਾਤ ਨੂੰ ਕਿਸੇ ਅਣਪਛਾਤੇ ਚੋਰਾਂ ਵੱਲੋਂ ਉਸਦੇ ਸ਼ੋਰੂਮ ਵਿੱਚੋਂ 15 ਹਜ਼ਾਰ ਰੁਪਏ ਨਗਦੀ ਅਤੇ 1 ਐਪਲ ਕੰਪਨੀ ਦੀ ਘੜੀ, ਇਕ ਮੋਬਾਈਲ , ਈਅਰਫੋਨ ਚੋਰੀ ਕਰ ਲਏ ਗਏ। ਪੁਲਸ ਨੇ ਅਮਨਦੀਪ ਦੀ ਸ਼ਿਕਾਇਤ ‘ਤੇ ਉਕਤ ਚੋਰਾਂ ਦੇ ਖਿਲਾਫ 457, 380 ਆਈ.ਪੀਸੀ ਤਹਿਤ ਮਾਮਲਾ ਦਰਜ਼ ਕਰਕੇ ਭਾਲ ਸ਼ੁਰੂ ਕਰ ਦਿੱਤੀ ਹੈ।