ਪਾਣੀ ਦੀ ਨਿਕਾਸੀ ਨੂੰ ਲੈਕੇ ਚਲਦੀ ਰੰਜਿਸ਼ ਕਾਰਨ ਔਰਤ ਦੀ ਕੀਤੀ ਕੁੱਟਮਾਰ

ਪਟਿਆਲਾ, 13 ਅਪ੍ਰੈਲ (ਰੁਪਿੰਦਰ ਸਿੰਘ) : ਸਦਰ ਪਟਿਆਲਾ ਦੀ ਪੁਲਸ ਨੇ ਔਰਤ ਦੀ ਕੁੱਟਮਾਰ ਕਰਨ ਦੇ ਦੋਸ਼ ਤਹਿਤ 5 ਦੇ ਖਿਲਾਫ ਮਾਮਲਾ ਦਰਜ਼ ਕੀਤਾ ਹੈ। ਇਸ ਮਾਮਲੇ ‘ਚ ਨਾਮਜਦ ਵਿਅਕਤੀਆਂ ਦੀ ਪਹਿਚਾਣ ਮਲਕੀਤ ਸਿੰਘ, ਸੈਮੀ ਪੁੱਤਰਾਨ ਪ੍ਰਵੇਸ਼ ਸਿੰਘ, ਤੇਜ ਰਾਮ, ਜਗਦੇਵ ਸਿੰਘ ਪੁੱਤਰਾਨ ਬੰਤਾ ਸਿੰਘ, ਰੱਜੀ ਪਤਨੀ ਮਲਕੀਤ ਸਿੰਘ ਵਾਸੀਆਨ ਪਿੰਡ ਚਰਾਸੋਂ ਵਜੋਂ ਹੋਈ ਹੈ। ਪੀੜ੍ਹਤ ਔਰਤ ਅਨੁਸਾਰ ਉਹ ਬੀਤੇ ਦਿਨੀ ਸ਼ਾਮ 4 ਵਜ਼ੇ ਦੇ ਕਰੀਬ ਆਪਣੇ ਡੰਗਰਾਂ ਵਾਲੇ ਵਾੜੇ ਵਿੱਚ ਮੌਜੂਦ ਸੀ, ਜਿਥੇ ਉਕਤ ਦੋਸ਼ੀਆਨ ਆਏ ਤੇ ਉਸਦੀ ਘੇਰ ਕੇ ਕੁੱਟਮਾਰ ਕਰਨੀ ਸ਼ੁਰੂ ਕਰ ਦਿੱਤੀ। ਉਸਨੇ ਦੱਸਿਆ ਕਿ ਇਹ ਝਗੜਾ ਰਜਿੰਸ਼ ਪਾਣੀ ਦੀ ਨਿਕਾਸੀ ਨੂੰ ਲੈ ਕੇ ਚਲਦਾ ਰੌਅਲੇ ਕਾਰਨ ਹੋਇਆ ਹੈ।