ਘਰਾਂ ‘ਚ ਸਫਾਈ ਦਾ ਕੰਮ ਕਰਦੀ ਲੜਕੀ ਹੋਈ ਲਾਪਤਾ

ਪਟਿਆਲਾ, 16 ਅਪ੍ਰੈਲ (ਰੁਪਿੰਦਰ ਸਿੰਘ) : ਸਿਵਲ ਲਾਈਨ ਪਟਿਆਲਾ ਦੀ ਪੁਲਸ ਨੇ ਘਰਾਂ ‘ਚ ਸਫਾਈ ਦਾ ਕੰਮ ਕਰਦੀ ਲੜਕੀ ਨੂੰ ਭਜਾਉਣ ਵਾਲੇ ਕਥਿਤ ਦੋਸ਼ੀ ਵਿਅਕਤੀ ਦੇ ਖਿਲਾਫ ਮਾਮਲਾ ਦਰਜ਼ ਕੀਤਾ ਹੈ। ਇਸ ਮਾਮਲੇ ‘ਚ ਨਾਮਜਦ ਵਿਅਕਤੀ ਦੀ ਪਹਿਚਾਣ ਅਵਿਨਾਸ਼ ਕੁਮਾਰ ਪੁੱਤਰ ਚਮਨ ਲਾਲ ਵਾਸੀ ਬਾਬਾ ਜੀਵਨ ਸਿੰਘ ਨਗਰ ਵਜੋਂ ਹੋਈ ਹੈ। ਲੜਕੀ ਦੇ ਪਿਤਾ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਉਸਦੀ ਲੜਕੀ ਜੋ ਘਰਾਂ ਵਿੱਚ ਸਫਾਈ ਦਾ ਕੰਮ ਕਰਦੀ ਸੀ ਜੋ ਮਿਤੀ 14 ਅਪ੍ਰੈਲ ਨੂੰ ਸਵੇਰੇ 8 ਵਜ਼ੇ ਦੇ ਕਰੀਬ ਸੇਵਕ ਕਲੋਨੀ ਵਿਖੇ ਸਫਾਈ ਦਾ ਕੰਮ ਕਰਨ ਲਈ ਗਈ ਸੀ, ਜਦੋਂ ਉਹ ਆਪਣੀ ਲੜਕੀ ਨੂੰ ਕੰਮ ਤੋਂ ਵਾਪਸ ਲੈਣ ਗਿਆ ਤਾਂ ਉਸਨੂੰ ਪਤਾ ਲੱਗਾ ਕਿ ਉਸਦੀ ਲੜਕੀ ਕੰਮ ਵਾਲੀ ਜਗ੍ਹਾ ਤੋਂ 5 ਹਜ਼ਾਰ ਰੁਪਏ ਲੈ ਕੇ ਚਲੀ ਗਈ, ਜਦੋਂ ਪਿਤਾ ਨੇ ਘਰ ਆ ਕੇ ਆਪਣੀ ਪਤਨੀ ਨੂੰ ਲੜਕੀ ਬਾਰੇ ਪੁਛਿਆ ਤਾਂ ਉਸਦੀ ਪਤਨੀ ਦਾ ਆਖਣਾ ਸੀ ਕਿ ਲੜਕੀ ਸਵੇਰ ਤੋਂ ਹੀ ਕੰਮ ‘ਤੇ ਗਈ ਹੋਈ ਹੈ ਪਰ ਘਰ ਨਹੀਂ ਪਰਤੀ। ਲੜਕੀ ਦੇ ਪਿਤਾ ਨੇ ਕਾਫੀ ਭਾਲ ਕੀਤੀ ਤੇ ਲੜਕੀ ਅਜੇ ਤੱਕ ਨਹੀਂ ਮਿਲੀ, ਉਸ ਨੇ ਸ਼ੱਕ ਜਾਹਰ ਕਰਦਿਆਂ ਕਿਹਾ ਕਿ ਉਸਦੀ ਲੜਕੀ ਨੂੰ ਉਕਤ ਕਥਿਤ ਦੋਸ਼ੀ ਅਵਿਨਾਸ਼ ਕੁਮਾਰ ਭਜਾ ਕੇ ਲੈ ਗਿਆ। ਪੁਲਸ ਨੇ ਪਿਤਾ ਦੀ ਸ਼ਿਕਾਇਤ ‘ਤੇ ਇਸ ਮਾਮਲੇ ‘ਚ ਨਾਮਜਦ ਨੌਜਵਾਨ ਦੇ ਖਿਲਾਫ 346 ਆਈ.ਪੀ.ਸੀ. ਤਹਿਤ ਮਾਮਲਾ ਦਰਜ਼ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।