ਮੰਦਰ ਦੀ ਗੋਲਕ ਤੋੜ ਪੈਸੇ ਲੈ ਕੇ ਫਰਾਰ ਹੋਏ ਚੋਰ, ਮਾਮਲਾ ਦਰਜ

ਸਨੌਰ, 22 ਅਪ੍ਰੈਲ (ਰੁਪਿੰਦਰ ਸਿੰਘ) : ਥਾਣਾ ਸਨੌਰ ਦੀ ਪੁਲਸ ਨੇ ਮੰਦਰ ਦੀ ਗੋਲਕ ਤੋੜ ਕੇ ਪੈਸੇ ਲੈ ਕੇ ਫਰਾਰ ਹੋਣ ਵਾਲੇ ਨਾ ਮਾਲੂਮ ਚੋਰ ਜਾਂ ਚੋਰਾਂ ਦੇ ਖਿਲਾਫ ਮਾਮਲਾ ਦਰਜ਼ ਕੀਤਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਭਾਰਤ ਕੋਸ਼ਲ ਪੁੱਤਰ ਰਘੂਵਰ ਦਿਆਲ ਵਾਸੀ ਪੰਡਤਾ ਵਾਲਾ ਮੁਹੱਲਾ ਸਨੌਰ ਨੇ ਦੱਸਿਆ ਕਿ ਉਹ ਰੋਜ਼ਾਨਾ ਦੀ ਤਰ੍ਹਾਂ ਰਾਤ ਸਮੇਂ ਮੰਦਰ ਦੇ ਮੇਨ ਗੇਟ ਨੂੰ ਬੰਦ ਕਰਕੇ ਆਪਣੇ ਘਰ ਚਲਾ ਗਿਆ, ਜਦੋਂ ਉਸ ਨੇ ਅਗਲੀ ਸਵੇਰ ਆ ਕੇ ਦੇਖਿਆ ਤਾਂ ਨਾ ਮਾਲੂਮ ਚੋਰਾਂ ਨੇ ਮੰਦਰ ਦੀ ਗੋਲਕ ਤੋੜ ਕੇ ਉਸ ਵਿਚੋਂ ਪੈਸੇ ਚੋਰੀ ਕਰ ਲਏ ਸੀ। ਪੁਲਸ ਨੇ ਨਾ ਮਾਲੂਮ ਚੋਰ ਜਾਂ ਚੋਰਾਂ ਦੇ ਖਿਲਾਫ ਮਾਮਲਾ ਦਰਜ਼ ਕਰਕੇ ਭਾਲ ਸ਼ੁਰੂ ਕਰ ਦਿੱਤੀ ਹੈ।