ਮਿਸ਼ਨ ਫ਼ਤਿਹ ਤਹਿਤ ਸਬ ਡਿਵੀਜਨ ਸੰਗਰੂਰ ’ਚ 13 ਥਾਵਾਂ ’ਤੇ ਲਗਾਏ ਜਾਣਗੇ ਕੋਵਿਡ ਟੀਕਾਕਰਨ ਕੈਂਪ

ਸੰਗਰੂਰ 23 ਜੂਨ
ਮਿਸ਼ਨ ਫ਼ਤਿਹ ਤਹਿਤ ਕੋਵਿਡ-19 ਖਿਲਾਫ਼ ਵਿੱਢੀ ਮੁਹਿੰਮ ਦੌਰਾਨ ਸਬ ਡਿਵੀਜਨ ਸੰਗਰੂਰ ਅਧੀਨ ਅੱਜ ਮਿਤੀ 24 ਜੂਨ 2021 ਨੂੰ 13 ਥਾਵਾਂ ’ਤੇ ਕੋਵਿਡ ਟੀਕਾਕਰਨ ਕੈਂਪ ਲਗਾਏ ਜਾ ਰਹੇ ਹਨ। ਇਹ ਜਾਣਕਾਰੀ ਐੱਸ.ਡੀ.ਐੱਮ. ਯਸ਼ਪਾਲ ਸ਼ਰਮਾ ਨੇ ਦਿੱਤੀ।
ਐੱਸ.ਡੀ.ਐੱਮ. ਨੇ ਦੱਸਿਆ ਕਿ ਸੰਗਰੂਰ ਸ਼ਹਿਰ ’ਚ ਸਰਕਾਰੀ ਸਕੂਲ, ਪੁਲਿਸ ਲਾਇਨ, ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ (ਲੜਕੀਆਂ) ਨੇੜੇ ਜ਼ਿਲ੍ਹਾ ਕੋਰਟ ਅਤੇ ਸਮਾਧ ਬਾਬਾ ਨਗਨ ਸਾਹਿਬ ਦਾਸ ਵਿਖੇ ਕੋਵਿਡ ਟੀਕਾਕਰਨ ਕੈਂਪ ਲਗਾਇਆ ਜਾ ਰਿਹਾ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਤੋਂ ਇਲਾਵਾ ਸਰਕਾਰੀ ਸਕੂਲ (ਲੜਕੇ) ਲੌਂਗੋਵਾਲ, ਐਚ.ਡਬਲਿਯੂ.ਸੀ. ਬਾਲੀਆਂ, ਮਿੰਨੀ ਪੀ.ਐੱਚ.ਸੀ. ਸਾਰੋਂ ਅਧੀਨ ਕੋ-ਆਪ੍ਰੇਟਿਵ ਸੋਸਾਇਟੀ ਦੇਹ ਕਲਾਂ, ਐਚ.ਡਬਲਿਯੂ.ਸੀ. ਬਡਰੁੱਖਾਂ, ਐਚ.ਡਬਲਿਯੂ.ਸੀ.ਚੰਗਾਲ, ਮਿੰਨੀ ਪੀ.ਐੱਚ.ਸੀ. ਉਭਾਵਾਲ, ਐਚ.ਡਬਲਿਯੂ.ਸੀ ਖੇੜੀ, ਐਚ.ਡਬਲਿਯੂ.ਸੀ ਮੰਡੇਰ ਕਲਾਂ, ਐਚ.ਡਬਲਿਯੂ.ਸੀ ਲੋਹਾ ਖੇੜਾ ਅਤੇ ਮਿੰਨੀ ਪੀ.ਐੱਚ.ਸੀ. ਗੱਗੜਪੁਰ ਵਿਖੇ ਕੋਵਿਡ ਟੀਕਾਕਰਨ ਕੈਂਪ ਲਗਾਏ ਜਾ ਰਹੇ ਹਨ।
ਸ਼੍ਰੀ ਯਸ਼ਪਾਲ ਸ਼ਰਮਾ ਨੇ ਦੱਸਿਆ ਕਿ ਸਿਹਤ ਵਿਭਾਗ ਦੀਆਂ ਟੀਮਾਂ ਸਵੇਰ 9 ਵਜੇ ਤੋਂ ਸ਼ਾਮ 3:30 ਵਜੇ ਤੱਕ ਕੈਂਪ ਵਾਲੀਆਂ ਥਾਵਾਂ ’ਤੇ ਉੱਪਲੱਬਧ ਰਹਿਣਗੀਆਂ। ਉਨ੍ਹਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਆਪਣਾ ਅਤੇ ਆਪਣੇ ਪਰਿਵਾਰ ਦਾ ਟੀਕਾਕਰਨ ਕਰਵਾ ਕੇ ਇੰਨ੍ਹਾ ਕੈਂਪਾਂ ਦਾ ਵੱਧ ਤੋਂ ਵੱਧ ਲਾਹਾ ਲਿਆ ਜਾਵੇ।